• MG
    • AR Arabic
    • CS Czech
    • DE German
    • EN English
    • ES Spanish
    • FA Farsi
    • FR French
    • HI Hindi
    • HI English (India)
    • HU Hungarian
    • HY Armenian
    • ID Bahasa
    • IT Italian
    • JA Japanese
    • KO Korean
    • MG Malagasy
    • MM Burmese
    • NL Dutch
    • NL Flemish
    • NO Norwegian
    • PT Portuguese
    • RO Romanian
    • RU Russian
    • SV Swedish
    • TA Tamil
    • TH Thai
    • TL Tagalog
    • TL Taglish
    • TR Turkish
    • UK Ukrainian
    • UR Urdu
Andro namoahana Mar 27, 2026

Voasakana ve ianao amin’ny iraka ataonao ?

Andro namoahana Mar 27, 2026

Angamba efa niainanao izany teo amin’ny fiainanao. Raha tsia… dia mety hiaina izany ianao indray andro any.

Hitanao fa manomboka manatanteraka ilay tetikasa efa ela napetrakao tao am-ponao Andriamanitra. Ary rehefa mandroso miandalana ilay izy… tampoka teo dia maro no liana te hiditra ao. Saingy ilay hoe “te handray anjara” dia vetivety dia miova ho “izaho koa te ho hita sy ho tsikaritra !” Dia tampoka eo, toa tandindomin-doza ny drafitrao sy ny irakao…

Niaina izany i Mosesy - ary tao amin’ny fianakaviany mihitsy aza ! Raha nandray ny vato fisaka nisy ny Lalàna avy tamin’Andriamanitra teny an-tendrombohitra izy - fotoana tena masina tokoa - dia navelan’i Aarona rahalahiny hitodika amin’andriamani-kafa ny vahoaka. Mbola ratsy kokoa aza, nandray anjara tamin’ny fanamboarana ny zanak’omby volamena izy ! (jereo Eksodosy 32:15-24)

Fahadisoam-panantenana lehibe izany ho an’i Mosesy ! Ny rahalahiny mihitsy no nanao izany - tamin’ny fotoana nialany kely mba handray iraka avy amin’Andriamanitra ! Raha ianao no teo amin’ny toerany, ahoana no mety ho fihetsikao ? Angamba hoe : “Tsy hiresaka aminao intsony aho !” Mety efa nisy zavatra mitovitovy amin’izany koa ve teo amin’ny fianakavianao na teo amin’ny namanao ?

Fantatrao ve ny nataon’i Mosesy ? Voasoratra hoe : “Ary Mosesy dia niverina ho ao amin'i Jehovah ka nanao hoe: Indrisy! efa nanao fahotana lehibe ity firenena ity ka efa nanao andriamani-bolamena ho azy. Ary ankehitriny, enga anie ka hamela ny fahotany Hianao!” (jereo Eksodosy 32:31-32 )

Endrika fo manao ahoana izany !

Ny fankahalana handrava. Ny fitiavana kosa hahalala hamela.

Afaka nifamaly tamin’i Aarona i Mosesy. Fa izay vakintsika dia hoe niverina tany amin’Andriamanitra izy (Eksodosy 32:31). Ny ady mampisaraka, fa ny fitiavana mikasika ny fon’Andriamanitra.

Afaka nieritreritra izy hoe : “Izaho irery sisa no mijoro amin’ity iraka ity. Na ny rahalahiko, na ny vahoakako tsy misy mahazo izany.” Efa niaina fahadisoam-panantenana sy fahatsapana ho irery tamin’ny antsonao ve ianao ?

Jereo tsara ny nolazain’Andriamanitra taminy avy eo - tena mahafinaritra : “Mandehana ankehitriny, ka ento ny olona ho any amin'izay efa nolazaiko taminao; indro, ny Anjeliko no hitarika anao eo aloha” (Eksodosy 32:34)

Anio dia omeko anao izany teny izany : Fidio foana ny lalan’ny fiadanana — satria Andriamanitra tsy handao anao mihitsy ! ❤️

Fahagagana ianao!

Eric Célérier
Mpanoratra

Eric Célérier is a French pastor and author, and president of Jesus.net. He's recognized for his innovative use of cutting-edge technology to spread the Gospel and connect people worldwide with the Bible.