Voahosotra amin’ny fahombiazana ve ianao?
Mahatsapa ve ianao fa nahitam-pahombiazana ireo volana lasa? Mety mbola tsy nahomby tahaka izany ny asanao - ary izany no iriko ho anao - nefa mety ho ny mifanohitra amin’izany koa no niainanao…
Na tsara na sarotra ny fotoana nolalovanao tato ho ato, tiako ho fantatrao fa zavatra iray ihany no tena zava-dehibe: tsarovy fa hitan’Andriamanitra ianao, ary hitany koa ny toe-ponao ao anatin’ny fahombiazanao na ny tsy fahombiazanao…
Nahomby ve ianao tato ho ato satria tena niasa mafy sy tsara, sa n tetikasa na hetsika iray napetrakao izay nitarika anao ho amin’ny fahombiazana?
Vao aingana aho no namaky izao andalan-tsoratra Masina izao, ary tena nanohina ny foko:
“Mahasoa inona ny sarin-javatra voasokitra,
No misokitra azy ny mpanao azy?
Na ny sarin-javatra an-idina sy ny mpampianatra lainga,
No matoky azy izay namorona azy Tamin'ny nanaovany sampy moana?
Lozan'izay manao amin'ny hazo hoe: Mifohaza!
Ary amin'ny vato moana hoe: Mitsangàna!
Hampianatra va ireo ?.....
He! voapetaka takela-bolamena sy volafotsy ihany izy,
Nefa tsy misy fanahy akory ao anatiny.
Jehovah dia ao amin'ny tempoliny masina;
Mangina eo anatrehany, ry tany rehetra!
Indraindray anefa dia hadinontsika fa ny hafaliana ateraky ny fahombiazana rehetra dia tsy misy lanjany raha mihoatra noho ny hafaliantsika amin’Ilay Mpamorona antsika.
Ny Mpamorona anao dia manan-danja lavitra noho izay noforoninao!
Tahaka ny ahafahanao mahita izay noforoninao, dia afaka mahita anao koa Ilay namorona anao. « Izay niteny taminy hoe: Hianao no Andriamanitra Izay mahita » (Genesisy 16:13)
Inona no ho hitany? Zanany manome voninahitra Azy noho ny fahombiazana azony ve, sa olona mankalaza ny tenany sy ny zava-bitany?
Mamporisika anao aho handinika indray ireo teny ireo anio, ary hisaotra Ilay Mpamorona ny zavatra rehetra!
Fahagagana ianao!
