• MG
    • AR Arabic
    • CS Czech
    • DE German
    • EN English
    • ES Spanish
    • FA Farsi
    • FR French
    • HI Hindi
    • HI English (India)
    • HU Hungarian
    • HY Armenian
    • ID Bahasa
    • IT Italian
    • JA Japanese
    • KO Korean
    • MG Malagasy
    • MM Burmese
    • NL Dutch
    • NL Flemish
    • NO Norwegian
    • PT Portuguese
    • RO Romanian
    • RU Russian
    • SV Swedish
    • TA Tamil
    • TH Thai
    • TL Tagalog
    • TL Taglish
    • TR Turkish
    • UK Ukrainian
    • UR Urdu
Andro namoahana Aog 27, 2025

Vehivavy mahery

Andro namoahana Aog 27, 2025

Inoako fa naharay ny tokony atao ny rahalahy namana omaly. Tohizantsika ao an-tokantrano ihany anio ary hitodika manokana amin’ny vehivavy aho. 

“Hianareo vehivavy, maneke ny vadinareo tahaka ny anekena ny Tompo.” (Efesiana 5:22). 

Tia mankato moa ny vehivavy namako ato o? Ataovy hoe “Amen” mafy 😄. Eto am-panoratana aho dia mahatsiaro ahy taloha,... heyyy efa lasa ny zavatra taloha!!! Misaotra Jesosy!!! Mahatsiaro ireo vehivavy fantatro koa izay tena azo sokajiana hoe mpikomy mihitsy. Mamindra fo ny Tompo. Tsy mety nanaiky ny vady, mamaly foana, tsy nanaja ary isaky ny fihaonana dia toy ny fihaonana fanaratsiana ny vady ka asesy eo daholo izay hita fa faharatsiany. Tena mahamenatra!! Ny Ntaolo Malagasy aza naneho fahendrena hoe ny tokantrano tsy ahahaka, fa dia misy io karazana vehivavy tsy laitra toy izany. Raha mbola toy izany ianao dia atsaharo manomboka anio ary ialao lavitra ny olona mitarika anao hanao izany; tsy namana ny fiantsoana olona toy izany. 

Na tahaka ny ahoana ny vadinao ao, na mety hoe tsy mahay noho ianao…dia mila manaiky azy ianao. Tahaka ny anekenao ny Tompo. Rehefa hoy ny Tompo hoe izao no atao, aty no tokony alehanao, ity no mety aminao dia manaiky ianao. Hita taratra amin’ny fanekenao ny Tompo ny fanekenao ny vadinao. Rehefa ilay be famaliana, tsy azo resahina sy feno fanambaniana iny ny vehivavy iray amin’ny vadiny dia toy izay koa ny fifandraisany amin’ny Tompo na hiseho ety ivelany ho tena mpivavaka sy mirehitra be aza izy. 

Fantatrao moa fa raha mbola tsy mpino ny vadinao dia voamasina izy noho ianao? Irakao voalohany ny vadinao. “Ary toy izany koa, ianareo vehivavy, maneke ny vadinareo, mba ho voataonan'ny fitondran-tenan'ny vavy izy, na dia tsy amin'ny teny aza (raha tàhiny misy tsy manaiky ny teny), rehefa hitany ny fahadiovan'ny fitondran-tenanareo amin'ny fahatahorana.” (1 Petera 3:1-2). Meteza ho fahazavana ho azy, ho fitaratra ho azy, hisintona azy hanakaiky ny Tompo fa tsy ho sanatria hampanalavitra azy ny Tompo. Tsy miresaka izay efa tafiditra anaty fijangajangana aho eto. 

Raiso ny andraikitrao rahavavy. Mijoroa ho ilay manaiky ny Tompo tsy amin’ny fiatsaram-belatsihy fa antoky ny tokantrano sambatra izany.

Fiadanana ho aminao!

Eric Célérier
Mpanoratra

Eric Célérier is a French pastor and author, and president of Jesus.net. He's recognized for his innovative use of cutting-edge technology to spread the Gospel and connect people worldwide with the Bible.