Valin-kafatra tena nahafinaritra! 😎

“Tena salama tsara aho – tsy manana olana mihitsy! Manana fianakaviana mahafinaritra aho, asa tena tsara, salama tsara izahay, manam-bola… raha fintinina dia mandeha tsara daholo ny zava-drehetra!”

Izany no hafatra voaraiko ho valin’ny mailaka “Fahagagana isan’andro”, izay niresahako ireo fotoana izay hanozongozanan’ny fiainana antsika. Ary rehefa namaky izany aho, ny fihetsiko voalohany dia hoe : “Hay, toa tsy nampahery an’ity ramatoa ity akory ilay hafatro…”

Mandra-pamakiako ny tohiny... ka hitako izay tsapany : “Raha ny marina, rehefa namaky ny mailakao aho, dia tsapako fa manana olana ihany aho… Ary ny olako dia ny hoe tsy manana olana aho! 🙃

Satria mandeha tsara loatra ny zava-drehetra ao amin’ny fianakavianay, ka ny fialam-boly, ny fialan-tsasatra, ny fivoahana miaraka, sy ny sisa no mameno ny andronay. Misy zavatra atao foana – ka zara raha maka fotoana hisainana aho. Zara raha maka fotoana ho an’Andriamanitra koa…Misaotra nampahiratra ny masoko! 👀 ENY, tena olana izany!”

Tena fahatsapana tsara izany! 💡

Rehefa ratsy ny zava-mitranga dia matetika isika no manontany hoe :

👉 “Nahoana Andriamanitra no mamela izao hitranga?”

Fa rehefa mandeha tsara kosa ny zava-drehetra, dia afaka mahatsapa amim-pankasitrahana koa isika hoe :

👉 “Oay, mahagaga fa avelan’Andriamanitra hiaina toy izao aho. Fahasoavana tsy misy fangarony izao!”

Rehefa mandeha tsara ny zava-drehetra, dia mety ho feno zavatra ny fiainantsika, ka mihena tsikelikely ny fotoana ifanakalozantsika amin’Andriamanitra...

Kanefa, rehefa mahazo fitahiana betsaka isika, dia tsy tokony izany no fotoana hanimbana ny fifandraisantsika Aminy. 🙏

Koa aoka tsy hifaly amin’ny fitahiana fotsiny isika, fa hamadika izany ho fisaorana. Izao no amporisihin’ny Baiboly antsika : “Misaora amin'ny zavatra rehetra” (1 Tesaloniana 5:18)

✨ Manasa anao aho hisaina ireto fanontaniana ireto : Inona no antony ahafahako maneho fankasitrahana amin’izao fotoana izao, nefa mandeha tsara ny zava-drehetra? Ary ahoana no ahafahako manome toerana lehibe kokoa an’Andriamanitra ao anatin’ny fiainako andavanandro – angamba amin’ny vavaka fohy, fitsangantsanganana miaraka Aminy, na hira iray ao anaty fiara? 🎶

Amin’ny fo feno fankasitrahana no ilazako aminao : Fahagagana ianao! 🤗