💡 Tsy voatery ho tonga lafatra vao hamiratra !

Anio, handinika ny fiandohan’ ity andininy ity isika, izay milaza hoe: “Ianareo no fahazavan’izao tontolo izao…” (Matio 5:14). Tena tiako ny fomba filazan’i Jesosy an’ilay izy!

Tsarovy fa nataon’i Jesosy io teny io tamin’ireo mpianany tany am-piandohan’ny asa fanompoany, nandritra ny toriteniny teny an-tendrombohitra.

Eny, vao sambany ireo mpianatra, ary azo antoka fa mbola nisy zavatra maro tokony ovain’i Jesosy teo amin’ny fiainany... Nefa, nijery ny tsirairay tamin’izy ireo i Jesosy ary niteny hoe:

 > Ianao io, no Fahazavan'izao tontolo izao.

Izany dia midika fa ny tsirairay amin’izy ireo, isika rehetra (ary indrindra : ianao), dia efa fahazavana, eto sy ankehitriny mihitsy. Tsy hoe fahazavana fanampiny, fa tena ilay fahazavan’izao tontolo izao mihitsy.

Ao anatin’ny aizina ity tontolo ity. Ary iray ihany no tena loharanom-pahazavana afaka manova azy, ilay hazavana entintsika : ny fahazavan’i Jesosy.

Toy ny jiro kely mandehandeha isika, mitondra ny fahazavan’Andriamanitra amin’izay rehetra alehantsika. Raha ny marina, ho an’ny olona maro, mety ianao no hany fahazavana tokana mba hitany tao anatin’ny fiainany. Waouh ! Tsapanao ve izany ?

Fantatro fa mety mahatsiaro ianao hoe tsy tonga lafatra, ary mieritreritra fa tsy mamiratra tsara ilay fahazavan’Andriamanitra ao aminao. Kanefa dia izao no lazain’ity andininy ity: ianao dia efa fahazavan’izao tontolo izao!

Koa aza miandry ela mba hizara io hazavana io amin’ny hafa, satria tena mila izany izy ireo.

Ry namako, tsy mila anao ho tonga lafatra Andriamanitra vao hampamirapiratra ny fahazavany amin’ny alalanao. Mila anao ho vonona fotsiny Izy.

Anio, hiaraka amiko ve ianao hangataka Aminy mba hanampiany antsika hampiseho ny fitiavany amin’ny hafa bebe kokoa, amin’ny alalan’ny fihetsika, ny fotoana ary ny resaka rehetra ho ataontsika mandritra ny tontolo andro?

Mivavaka ho anao aho ary mametraka anao ato am-poko,