:::: 🛑 Tsy vita ny manakana Azy…::::
Tratry ny taona e! 🎉🙌🏻Ho tahian'ny Tompo anie ianao amin'izao andro voalohany amin'ny taona 2024 izao! Mivavaka aho mba ho tahiana tsy mbola nisy toy izany ianao amin’ity taona ity, amin’ny lafiny rehetra amin’ny fiainanao, ary mba hahatsapanao bebe kokoa hatrany ny Fanatrehan’Andriamanitra isan’andro.Tsapanao ve indraindray fa manohitra anao ny zava-drehetra? Ny tantaran’ny andrianan’i Egypta, antsoina hoe Josefa, dia iray amin’ireo tantara mampitolagaga indrindra ao amin’ny Baiboly rehefa mandinika ny fitahian’Andriamanitra eo amin’ny fiainantsika isika.Rehefa mahatsiaro ho ketraka ianao noho ny olana manodidina anao, dia manasa anao aho hamaky ity lisitra manaraka ity, hamaly ireto fanontaniana ireto:Efa nanandrana namono anao ve ireo rahalahinao sy anabavinao?Efa namidy ho andevo ve ianao?Nigadra noho ny fiampangana lainga ve ianao?Raha “tsia” ny valin-teninao, dia tsara kokoa noho i Josefa ny fiainanao! =) Niaritra fahadisoam-panantenana sy toe-javatra tsy rariny rehetra izy. Saingy tao anatin'ireo fitsapana rehetra ireo dia nambinina izy satria nomba azy Andriamanitra, hany ka:
- Fony izy mpanompo, dia tonga tanana ankavanan’ny tompony (jereo Genesisy 39:3-4).
- Fony izy tao am-ponja, dia lasa tanana ankavanan’ilay mpiambina izy (jereo ny Genesisy 39:23).
- Rehefa niseho teo anatrehan’i Farao izy dia lasa tanana ankavanan’ny mpanjakan’ny Egypta izy (jereo ny Genesisy 41:41).
Tsy misy zava-tsarotra mahasakana ny fitahian'Andriamanitra eo amin'ny fiainanao. Anio, apangino izay fitarainana na fitsarana tena ary mandrosoa! “Mitsangàna, mihazavà, fa tonga ny fahazavanao, ary ny voninahitr’i Jehovah efa miposaka aminao.” (Isaia 60:1).Mitsangàna ary mihazavà anio! N'aiza n'aiza misy anao, ataovy izay fara herinao, ataovy ny zavatra rehetra tahaka ny ho an'ny Tompo, ary aoka ny fanambinany hiseho amin'ny fifaliana s
