Tsy sarotra loatra izany 😉

Manana fotoana ve ianao anio na ato ho ato, izay ahemotrao moramora ao an-tsainao, satria vao mieritreritra izany ianao dia efa sahirana ?

I-z-a-h-o m-a-h-a-f-a-n-t-a-t-r-a t-s-a-r-a i-z-a-n-y. 😅

Ary mety ho maro samihafa ny antony :

- Tsy mahatsiaro ho ampy traikefa hiatrehana ilay resaka isika

- Tsy maintsy “miteny mivantana” nefa tsy te handratra ny hafa

- Matahotra sao isika indray no haratra

- Matahotra ny vokatra mety hivoaka, sns.

Zavatra iray no azo antoka :

Hisy foana ny fanamby, fa aza avela hangalatra ny hafalianao anio izany!

Tiako hozaraina aminao ny fomba iatrehako ireny fotoana ireny :

Tsaroako fa Andriamanitra dia maniry ny tsara indrindra ho ahy — ary koa ho an’ilay olona eo anoloako.

Eny : “Kanefa amin'izany rehetra izany dia manoatra noho ny mpandresy isika amin'ny alalan'ilay tia antsika.” (Romana 8:37) 👑

Na dia mbola tsy takatro aza ny planiny masina, dia mifikitra amin’ny fampanantenany aho!

Tsy tonga ho azy izany fomba fisainana izany. Izany no mahatonga ahy, alohan’ny fotoana na resadresaka sarotra iray, hanery ny tenako handeha an-tongotra kely. Manisy écouteur aho, dia mivavaka sy mihira fiderana an’Andriamanitra amin’ny feo avo… mandra-pahatonga ny foko hahatsapa ny fampanantenany… Ary eo, tsy misy toerana intsony ho an’ny fisalasalana!

Mahatsiaro ho voaomana, voaorina ary matoky tena aho hiatrika ilay resaka, ary azoko antoka :

Na ahoana na ahoana fandehan’izany, dia voaaro ao an-tanany aho. 🙏🏻

Satria : “Ary fantatsika fa ny zavatra rehetra dia miara-miasa hahasoa izay tia an'Andriamanitra” (Romana 8:28)

Amen. An’i Jesosy ny fandresena — ary amin’ny alalany dia anao koa izany!

Fahagagana ianao!💛