Tsy misy fahagagana hafa lehibe kokoa ✝️
Tsy misy amin’ireo fahagagana izay antenainao anio no lehibe lavitra noho ny fahagagana izay efa nomena anao. ✨ Ny fahagagana... izay nahafatesan'i Jesosy teo amin'ny hazo fijaliana HO AN'NY fahafahanao sy ny mandrakizay anao.
Tena mahafinaritra tokoa ny fanombohana ity Alatsinain’ny Paska ity! Vakio indray ity: Tsy misy amin’ireo fahagagana izay antenainao anio no lehibe lavitra noho ny fahagagana izay efa nomena anao. ✨ Ny fahagagana... izay nahafatesan'i Jesosy teo amin'ny hazo fijaliana HO AN'NY fahafahanao sy ny mandrakizay anao.
Tsy misy trano 🏠, tsy misy famantaran’andro lafo vidy ⌚️, tsy misy fifandraisana, tsy misy zanaka, tsy misy toeran'ny lehibe indrindra 👨💼 - tsy misy na iray aza azo ampitahaina amin'ity fanomezana sarobidy efa nomen'Andriamanitra anao ity!
Eny, angamba maniry harena misimisy kokoa ianao – amin’ny maha olombelona..
Angamba ianao manonofy fisondrotana arak’asa, fitsangantsanganana goavana, seza vaovao...
Na te hihaona amin’ilay olona tena mety. Angamba koa te ho sitrana fotsiny ianao na te hiala amin’ny fahasarotana ara-bola.
🧡 Amin’ny maha olombelona daholo izany rehetra izany. Saingy, amin'ny maha-zanak'Andriamanitra anao, dia tsy “olombelona” fotsiny ianao… Fa ny Lanitra dia mitoetra ao anatinao.
✨ "Koa raha misy olona ao amin'i Kristy, dia olom-baovao izy; efa lasa ny zavatra taloha, indreo, efa tonga vaovao ireo. Fa izany rehetra izany dia avy amin'Andriamanitra, Izay nampihavana antsika taminy amin'ny alalan'i Kristy." (2 Korintiana 5:17-18).
Izany no ahafahanao miaina amin'ny fomba fijery vaovao: 👉 Efa nomen'Andriamanitra anao ny zavatra rehetra, sokafy ny fonao hanaiky izany!
Izao no ampahatsiahivin’ny Romana 8: 📖 “Izay tsy niaro ny Zanani-lahy, fa natolony hamonjy antsika rehetra Izy, tsy homeny antsika miaraka aminy maimaimpoana koa va ny zavatra rehetra?” (Romana 8:32).
Eny, ny hazo fijaliana dia manova ny fomba fijerintsika amin’izay tena manan-danja. Fa izay tena ilaina dia mitoetra ho mandrakizay - ary misokatra ho anao ity varavarana ho an'ny mandrakizay ity, noho ny sorona nataon’i Jesosy.
Ry namako, indray andro any dia handeha amin'io varavarana io ianao, ary any ... ho hitanao izay rehetra nofinofin'ny fonao hatramin'izay. Vonona ve ianao - na dia eo aza ny tsy fahampiana rehetra anio - ny hisaotra an'Andriamanitra amin’ireo izay efa nomaniny ho anao any an-danitra? Ary hisaotra an'i Jesosy noho ny hazo fijaliana? Satria: Tsy misy amin’ireo fahagagana izay antenainao anio no lehibe lavitra noho ny fahagagana izay efa nomena anao.
Tratry ny Paska !
🙏 Fahagagana ianao 💛
