Tsy mila “mody manao sefo” Jesosy…
Efa nieritreritra an’izany ve ianao? Jesosy dia nanana ny antony rehetra mba “hibaiko toy ny sefo”. 🫡
Isika anefa dia mora mametaka anarana ho an’ny tenantsika toy ny : PDG, tale, “maître”, sefo, “influenceur”, mpihira, mpamorona, sns… Ary ao amin’ny tontolo kristiana : maintimolaly, pastera zokiny, sns.
Fa Jesosy? Afaka nametraka ny mombamomba Azy tao amin’ny Instagram Izy hoe : “Mpanjakan’ny mpanjaka” 👑 (Apokalypsy 19.16), “Tompon’ny tompo” (Apokalypsy 19.16), “Mpitsaran’ny velona sy ny maty” 👨⚖️ (jereo Asa 10.42), na koa “Ilay Tsitoha” (Apokalypsy 1.8).
Afaka nampanonta afisy Izy milaza hoe : “Ny 24 jolay, Izaho Jesosy, Mpanjakan’ny mpanjaka, Tompon’ny tompo, Mpitsaran’ny velona sy ny maty ary Mahefa ny zavatra rehetra, dia ho any Paris hanoro anareo ny fomba fiaina.”
Fa tsia. Fomba hafa no nofidiny hanatonana ny olona. Hoy Izy fotsiny : “Ianareo no sakaizako, raha manao araka izay andidiako anareo…Fa efa nataoko hoe sakaiza ianareo, satria izay rehetra reko tamin’ny Raiko no nambarako taminareo” (Jaona 15.14-15)
Sakaiza. Tsy mpanatanteraka baiko. Tsy mpanaraka mangina fotsiny. Namana! ❤️ Fomba fifandraisana hafa tanteraka izany. Jesosy tsy mitady fankatoavana mangatsiaka sy lavitra. Mitady fifandraisana akaiky Izy, fahatokiana, fifampizarana tena izy. Sokafany aminao ny Fony. Zarainy aminao ny fisainany. Sarobidy be Aminy ianao.
Ary izany no antony nanaovany ilay fihetsika lehibe indrindra maneho fitiavana : nanome ny ainy ho anao Izy. Mba tsy hahatsapanao ho irery intsony, na ho tsinontsinona.
Angamba efa niaina fisakaizana olombelona marefo ianao. Fa ilay atolotr’i Jesosy kosa dia tsy ho rava mihitsy. Ary anio Izy dia manasa anao : “Manatòna Ahy. Mianara hahafantatra Ahy. Matokia Ahy – tahaka ny namana akaiky indrindra. Dia hahita fisakaizana maharitra mandrakizay ianao.”
Ny segondra tsirairay ampiasaina amin’io fisakaizana io dia segondra tsy ho very.
Jesosy tsy mila “titre”. Fifandraisana feno fitiavana no tadiaviny. Jesosy tsy mba naniry hisaraka aminao, ka izany no nahatonga Azy ho faty teo amin’ny hazo fijaliana! Ka omeo tombambidy ny Fanatrehany satria tena sarobidy be Aminy ianao!
