Tsy manam-potoana ny ho tohina ianao

Amin’ny ankapobeny isika rehetra dia mora tohina, sa tsy izany ?

Efa manomboka amin’ny fahazazana izany, rehefa misy ankizy hafa mahazo milalao an’ilay kilalao niriantsika.

Rehefa lehibe, dia mbola mitranga ihany izany, toy ny rehefa nofoanana tampoka amin’ny fotoana farany ny fotoana nifanarahana. Na koa rehefa manadino ny tsingerin-taonan’ny mariazy ny vady...

Matetika isika no miatrika toe-javatra mety manafintohina antsika…

Fantatrao ve ny lazain’ny Baiboly momba izany ? “Ny fahasosoran'ny adala dia fantatra miaraka amin'izay; Fa izay mahatsindry fo amin'ny fanalam-baraka no hendry.” (Ohabolana 12:16)

Ny olona hendry dia manafina izay mampahamenatra ary manohy ny diany. Tena andininy tsara izany! Satria mampiseho anao ny fomba hiatrehana ny fanafintohinana mba hanafaka anao amin'ny eritreritra maro tsy ilaina sy miiba ary, ny tena zava-dehibe, ny fitsitsiana fotoana!

Fa maninona no mandany fotoana, raha afaka mampiasa azy amin’ny zavatra mahasoa ianao ?

Saintsaino : rehefa inona ianao no mora tohina ?

Fantatrao tsara angamba fa sarotra ny miara-monina amin’ny olona mora tohina, sa tsy izany ? Te ho isan’izany ve ianao ? Sa tianao ny ho isan’ireo olona mahafehy ny fihetseham-pony sy mamela mora foana ? Izy ireo dia manohy ny diany na dia efa noharatsiana aza.

Eny, ataovy ny safidy tsara, satria tena mendrika izany. Tsy tianao ny ho very fotoana amin’ny “fahatezerana”, sa tsy izany ?

Andeha hangataka amin’Andriamanitra isika mba hanampy antsika hanao ny safidy tsara : “Tompo Jesosy o, tsy te hanary fotoana amin’ny fahatafintohinana aho. Ampianaro aho tsy handray manokana ny teny rehetra henoko ho ahy, fa ho mora mamela heloka sy tia amin’ny fo. Tsy te ho vesatra ho an’ny hafa aho, fa ho fitahiana ho azy ireo. Misaotra Anao fa manova ny toetrako Ianao. Amen.”