Tsy manam-potoana amin’ny zavatra tsy mampifantoka ianao

Firy ora no laninao amin’ireo zavatra izay, raha dinihana, toa tsy dia misy ilàna azy akory ?

Ohatra, ireo ora laninao mijery finday, na milalao io, na mijerijery Instagram na Facebook, na mitady zavatra nefa tsy tena fantatra akory hoe inona. Efa tratra ve ianao ?

Rehefa tonga ny hariva dia mety hieritreritra ianao hoe : “Tena afa-po aho androany, tsy nijery sarimihetsika fa natory aloha…” Nefa dia iny indray fa ny finday no eo an-tananao.

Tsy ratsy akory izany … nefa mety hanontany tena koa ianao hoe nahoana no toa lasa misy adin-tsaina toy izao ao amin’ny fiainanao… Fikorontanana lalina… Fiahiahiana momba ny ho avy. Fiahiahiana momba ny fianakavianao sy ny zavatra mitranga amin’izao tontolo izao…

Fantatrao ve izay mitranga ao anatinao, mandritra ireo fotoana hijanonanao eo alohan’ny finday anao io na zavatra hafa mahavariana anao ? Miezaka manadino ianao. Ary azo antoka izao :

TSY MANAM-POTOANA AMIN’NY ZAVATRA TSY MAMPIFANTOKA IANAO !

Tsy hoe tsy manam-potoana fotsiny, fa tsy tokony avela handany ny fotoananao izany !

Satria tsy manalavitra anao amin’ny olan’ny fiainanao fotsiny ireny, fa manalavitra anao koa amin’izay zavatra rehetra mety ho vitanao raha toa ka ajanonao izany mba hahafahan’Andriamanitra mitarika anao indray !

“Antsoy Aho amin'ny andro fahoriana, dia hamonjy anao Aho, ka hanome voninahitra Ahy ianao.” (Salamo 50:15)

Izany no tian’i Jesosy ambara aminao, rehefa misafidy ny handà tsikelikely ny zavatra hafa mahavariana ianao. Inona izany raha aminao ? Inona no manakana anao tsy hahatsapa an’izany fanampiana avy amin’Andriamanitra izany - ka tsy hahita ny vokany ?

Ny fanentanana ho anao anio dia izao : ialao ny fanelingelenana, ary omeo fotoana Jesosy hamaly ny fanontanianao.

Tian’i Jesosy ny hanome anao fomba fijery vaovao momba ny hoavinao !