😉 Tsy ianao no olana.

Tsy mampino ny zavatra nataon’i Davida!

Raha fintinina: "Niarahany ny vadin'ny namany, ka dia bevohoka ilay vehivavy, ary satria mbola tao an-tsainy ny heloka nataony, dia novonoiny ny vadin’ny ravehivavy." (2 Samoela 11:1-27).

Inona no lazain’ny Baiboly momba ny zavatra nataon’i Davida? "Fa tsy sitrak'i Jehovah izany nataon'i Davida!" (2 Samoela 11:27) . Saintsaino anie hoe voasoratra hoe " ny nataon'i (ny anaranao) dia tena tsy nahafaly ny Tompo" Oay! Tena maharary izany!

Ho hitanao fa tsy tamin’i Davida no nametrahan’Andriamanitra ny hatezerany, fa tamin’ny fitondran-tenany ihany! Misy fahasamihafana lehibe izany! Aza mino mandrakizay fa tsy tia anao intsony Andriamanitra!

Mety halahelo Izy noho ny fitondran-tenanao, fa araka ny voalaza momba an’i Davida hoe: “Jehovah efa nitady lehilahy ho Azy araka ny fony …” (jereo 1 Samoela 13:14 ) - na dia sarotra hinoana eo noho eo aza izany noho ny fahareseny tanteraka, sa tsy izany? Toy izany koa, Andriamanitra hanome anao ny Fahasoavany mandra-pankasitrahany anao indray.

Eo imason'Andriamanitra dia tonga lafatra ianao… ny ataonao ihany indraindray no tsy tonga lafatra.

Inona no tokony hataon’i Davida? Miaiky ny fahadisoany. Ary hoy Davida tamin’i Natana: “Dia hoy Davida tamin'i Natana: Efa nanota tamin'i Jehovah aho. Ary hoy kosa atana tamin'i Davida: Jehovah efa nanaisotra ny helokao, ka tsy ho faty ianao..” (2 Samoela 12:13).

Aza mandà ny tsy fahombiazanao. Lazao ny marina, aza afenina ny tsy fahombiazanao. Eny, maharary izany amin’ny voalohany. Eny, mahamenatra. Kanefa, te hanohy hiaina toy izao ataonao ankehitriny izao foana ve ianao? Menatra sy afa-baraka, toy ny hoe misy tongotra iray eo amin'ny “frein”, izay manakana anao tsy handroso?

Misafidiana ny hiaiky ny fahotanao, hanaiky ny fanomezam-pahafahana amin’ny fangatahana famelan-keloka.

Toy izany indray no hampifalianao an’Andriamanitra!

Fahagagana ianao!