🛡️ Tsy azo hozongozonina ve ny finoanao?
Fantatsika tsara ny tantaran’i Abrahama sy Isaka! Mbola gaga foana anefa aho rehefa mamerina mamaky izany!
Ahoana no nahavitan’i Abrahama nihanika tendrombohitra sy nibaby ny fitaovana rehetra ilaina, miaraka amin'ny fieritreretana hoe tsy maintsy atao sorona ny zanany? Tena tsy takatry ny saiko ny mieritreritra an'izany! Ary mety mihoatra ny finoako koa aza ve?
Ao amin’ny Testamenta Vaovao isika dia mamaky hoe:
“Finoana no nanateran’i Abrahama an'isaka, raha nizahan-toetra izy; eny, ny zananilahy tokana no naterin'ilay efa nandray tsara ny teny fikasana, dia ilay nilazana hoe: "Avy amin'Isaka no hantsoina izay taranaka ho anao" . Fa nihevitra izy fa Andriamanitra dia mahay manangana ny maty aza; ary hoatra ny avy tamin'izany no nandraisany azy." (Hebreo 11:17-19 ).
Tsy azo nozongozonina ny finoan’i Abrahama!
Ry namako, ary ny finoanao mba manao ahoana? Tsy misy na inona na inona eto amin'izao tontolo izao mety hampiozongozona anao ve? Raha oharina amin'i Abrahama, dia mbola misy ezaka be tokony hataoko
Raha dinihina tokoa, efa impiry moa isika no manontany fanontaniana toy izao: “Nahoana no avelan’Andriamanitra hitranga izao zavatra izao?” na “Tena avy amin’Andriamanitra marina ve izao?”
Ao amin’ny epistilin’i Jakoba dia milaza hoe: “…aza mety hofitahina ianareo; Ny fanomezan-tsoa rehetra sy ny fanomezana tanteraka rehetra dia avy any ambony.” (Jakoba 1.16-17)
Raha ny marina, dia mora fitahina matetika isika... Satria tsy miorina tsara ny finoantsika ary mamela toerana be loatra ho an'ny fanahiana ihany koa.
Ry namako, maniry aho mba ho tena mafy orina ny finoako! Na dia mahatsiaro mianika tendrombohitra avo toa an'i Abrahama aza aho, ary hitondra endrika faharesena ho ahy izany… Fantatro fa “tsara sy tonga lafatra” avokoa ny zava-drehetra omen'Andriamanitra antsika, ka tsy maintsy ho tsara fiafara izany diako izany!
Aza avela hanaisotra izay tian'Andriamanitra homena anao ny fisalasalana!
Matokia Azy!
Ry namako, manohana ahy manokana ity tantara ity anio. Tiako hitombo ary tsy ho azo hozongozonina intsony ny finoako. Ianao koa ve mba toa ahy ry namako?
Andeha ary isika hanao izao vavaka izao: “Tompo ô, omeo anay ny finoana tsy azo hozongozonina! Ataovy miaina fitahiana ao ambadik’izany fahatokianao tsy misy fetra izany izahay! Amen".
