Tsy ampy fitiavana = Tsy dia misy vidiny?
"Tsy dia tia anao loatra fotsiny aho." 💔
Tao amin’ny seranam-piaramanidina tao Stuttgart aho tamin’izay, ho any Ouagadougou mba hanampy ny sahirana miaraka amin’ny raiko, no naharay avy tamin’ny olon-tiako taloha tamin’ny alalan’ny WhatsApp ireo teny ireo.
Nitohy toy izao ilay hafatra: “Andao hararaotina ny fotoana maha any an-tany lavitra anao mba hieritreretana raha mbola misy dikany ny fiarahantsika.”
Tsy ampy fitiavana. Tsy dia misy vidiny.
Andraso. Atsaharo. Nanjary voafitak’izany lainga izany aho! Ny hoe tsy tian’ny olona iray, dia TSY midika hoe tsy ampy fahatsarana ianao! Misy fahasamihafana be izany!
Tsy tadidinao ve i Lea, vadin’i Jakoba? Nanambady azy fotsiny i Jakoba satria nofitahin’i Labana rafozany izy!
Alaivo sary an-tsaina ange ny zavatra mety tsapany, izany fandavana izany 😳! Ary mbola niasa fito taona fanampiny mihitsy i Jakoba mba hahafahany manambady an-dRahely... Tsy sahy maminavina ny fahatsapan’i Lea tamin’izany fotoana izany mihitsy aho.
Tsy ampy fitiavana = tsy dia misy vidiny?
Kanefa, na dia tsy nahazo fitiavana feno avy amin’ny vadiny aza i Lea, dia nitahy azy tamin’ny fomba miavaka Andriamanitra. Izy no nanjary renin’ny foko enina tamin’ireo roambin’ny folon’i Israely, anisan’izany i Joda, izay nivoahan’i Jesosy Mpamonjy antsika!
Tsy ampy fitiavana. Tsy dia misy vidiny? Ho an’Andriamanitra, nanana "tombam-bidy lehibe" mihoatra noho izany izy!
Mbola mpitovo aho mandrak’androany - ary faly - satria hitako ny fiantraikany mahery ateraky ny fanoloran-tenako.
Tiako ny mamerina mametraka ity fanontaniana ity aminao: Tsy ampy fitiavana = Tsy ampy fahatsarana?
Toa mbola "sarobidy loatra" aho ho an’Andriamanitra! 😉
Ny maha-ianao anao dia tsy miankina amin’ny fitiavan’ny hafa: hitan’Andriamanitra ny fo nolavina sy maratra, ary omeny toerana lehibe ireny ao anatin’ny drafiny!
Mahatsiaro ho voahilika ve ianao amin’izao fotoana izao? Te hamerina anao Izy! Mahatsiaro ho tsy tiana ve ianao? Te hitia anao Izy!
"Akaikin'izay manana fo mangorakoraka Jehovah, ary mamonjy izay torororo fanahy. Maro ny fahorian'ny marina; nefa Jehovah manafaka azy amin'izany rehetra izany." (Salamo 34:18-19)
Tiana ianao — tsara ianao! ❤️
