🙌🏻 Tian’Andriamanitra omena anao daholo izany rehetra izany 🙌🏻
Raha mihevitra ianao hoe nesorina taminao ny zava-drehetra… Andriamanitra dia te hanome toerana an’izay TSY MAINTSY misy eo amin’ny fiainanao.
Izany fanambarana izany no tiako hanombohana anio. Satria fantatro loatra ny hamafin’izany hoe mitady hirodana ny fiainana ary izay niezahanao naorina mafy dia toa rava.
“Mihirà, mihirà!”
Nitsiky tamiko tamim-pientanentanana ny vehivavy iray vao nihaona tamiko tamin'io andro io, sady namporisika ahy hiakatra sehatra… na dia TSY te ho any mihitsy aza aho.
Tamin’io fotoana io mihitsy, nivadika ho nofy ratsy ho ahy ny nofinofiko momba ny fanambadiako.
Ilay lehilahy izay nanolorako ny zavatra rehetra dia nandao ahy, ary ankehitriny dia tsy maintsy miakatra amin’io sehatra io aho ary mihira am-pifaliana manoloana olona 70 000?
Tsia, tsy te hanao izany aho.
Efa ela aho no tsy nihira, satria tsy misy dikany “taminy” izany…
Ary teto, dia tokony mihira amin’ny teny tsy dia mahavantana ahy loatra aho. Zavatra iray ihany no tiako atao, misitrika ao anaty botofotsy dia mitomany…
Misafidiana foana ny hanohy handroso na ahoana na ahoana, dia hahita fahagagana tsy azo hazavaina ianao!
Nitsangana aho. Ary niakatra teo amin’io sehatra io. Nihira aho. Ary dia tena niaina FAHAGAGANA marina aho io andro io : nangataka misimisy foana ny mpijery!
Anio, 8 taona aty aoriana dia azoko fa “ny fanohizana foana na inona na inona ny miseho” dia misy fiantraikany lalina tokoa. Jereo ny nolazain’Andriamanitra tamin’i Josoa :
“Ny tany rehetra izay hodiavin'ny faladianareo dia efa nomeko anareo” (Josoa 1.3)
Tsy nihira intsony aho nandritra ny herintaona ary nandà fifanarahana maro. Angamba TSY TIAN’ny devoly hihira intsony aho amin’ny fiainako. Hitany fa ny fijoroako vavolombelona dia hitondra fahafahana be dia be - ary te handresy lahatra ahy izy fa tsy vitako izany.
Anio, dia mpanoratra ny “Fahagagana Isan’andro” aho… Azonao ve ny nitranga tao ambadika tao?
Aza avela hanaisotra izay tian’Andriamanitra omena anao ny devoly!
Mamporisika anao aho anio mba hitsangana na manao ahoana na manao ahoana - ka handrombaka ny tany izay tian’Andriamanitra omena anao!
