Te hihena ve ianao ?
Efa niresaka momba ny olona iray ve ianao… ary nanenina avy hatrany avy eo?
Tsoriko aminao : Somary nientanim-po aho nandritra ny resaka nifanaovana tamin'ny namako momba ny olo-malaza iray. Tsy natoky aho hoe olona tsara fikasana izy. Toa tafahoatra ny zava-drehetra, toa tsy tena izy.
Saingy izao, matetika hadinontsika - noho ny avonavona, aoka ho tsorina - fa misy fahasamihafana lehibe ny hoe : “Izao angamba no izy” sy ny hoe “Izao no izy”...
Ny ampitso maraina, rehefa nandinika ny zavatra noteneniko aho, dia nahatsiaro ho meloka. Ary tampoka teo, sendra nahita tafatafa niarahana tamin'ilay olona aho - feno fitiavana sy ranomaso ary tena tsotra. Ooh… Mazava be fa te hiresaka tamiko Andriamanitra. 🫣
Mialohan'ny nisotroako kafe voalohany dia naka ny findaiko aho mba handefasana hafatra amin'izay rehetra nanatrika an’io hariva io: “Tiako atomboka amin’ny fialan-tsiny aminareo ny tontolo androko…” ❤️
Tsy nisy nanery ahy hanao izany. Mety efa tsy tsaroan’izy ireo intsony ilay resaka. Fa raha mahita an’io olona io izy ireo, dia ho diso hevitra - noho ireo teniko.
Eny tokoa : Raha miaiky ny fahadisoantsika amin'ny fontsika marina isika, dia hitahy antsika amin'ny sandriny mahery Andriamanitra.
Tahaka ny hamafisiny ao amin’ny Teniny hoe : “Raha miaiky ny fahotantsika isika, dia mahatoky sy marina Izy ka mamela ny fahotantsika sy manadio antsika ho afaka amin'ny tsi-fahamarinana rehetra.” (I Jaona 1:9)
Miaiky ny fahadisoantsika… Tsy avela hangina fotsiny, ary manantena hanao tsaratsara kokoa amin’ny manaraka…
Marina fa ny miaiky hoe “tsy nety ny nataoko”, miloa-bava, dia mitaky herim-po, eny - kanefa mora kokoa noho ny hizaka ny vesatr’izany mandritra ny tontolo andro!
Manasa anao aho anio mba hisaina lalina ny amin’ny hoe “amin’iza” no tokony hialana tsiny? Na koa miaiky fa ny noteneninao (na nataonao) dia tsy marina?
Manome toerana ho an’ny fifaliana ianao, ary koa mihena ho azy! 😉
Fahagagana ianao 💛
