Ry namako, vakio ange ity fijoroana vavolombelona mahafinaritra be ity e !

Betsaka ny fijoroana vavolombelona mahafinaritra be voaraiko ny amin’ny zavatra ataon’ Andriamanitra amin’ny alalan’ny “Fahagagana Isan’Andro.” Tiako zaraina aminareo ihany ireny hampaherezako anareo. Ho an’Andriamanitra irery ihany anie ny voninahitra !

Hoy i Marie-France :

“Tamin’ny alalanareo no nianarako namaky ny Tenin’Andriamanitra. Avy any Genève aho.

Hatomboko amin’ny fanomezam-boninahitra an’Andriamanitra izany ! Misaotra anao Fanahy Masina ny amin’ny fanambaranao ! Misaotra ny Tompo aho ny amin’ny asa fanompoana ataonao. Manana hafatra ho ahy Andriamanitra isan’andro ! Tsy takatry ny saiko tsotra izao, miaina amin’ny fahasoavan’ny Tompoko isan’andro aho.

Namaly vavaka ahy Andriamanitra : enin-taona izahay sy ny rahavaviko no efa tsy nifandray intsony noho ny tsy fifankazahoan-dresaka ! Nampaherezin’ny Fanahy Masina aho hiantso azy rehefa avy namaky ny hafatrao tao amin’ny ”Fahagagana Isan’Andro” ary dia namaly izy fa nalahelo ahy koa ! Ny tenin’i Isabelle io no namaly ny fanontaniako rehetra.

Faly be aho ny amin’ny zavatra iainan’i Marie-France. Tena Mino ny fahagagana eo amin’ny fiainanao aho, ny fahasalamanao, ny fifandraisanao amin’ny hafa, ny ara-bolanao, ny toe-java-misy eo aminao… Ianao koa ry Malagasy, tsy adinon’Andriamanitra ianao, manana zavatra tsara ho anao manokana Izy.