Rehefa misy anjely ao amin’ny efitranonao 😲

Tena mahaliana ny mahita ny filaharan’ny zava-nitranga rehefa niseho tampoka tao amin’ny efitranon’i Maria ny anjely!

Voasoratra hoe : “Ary nony niditra tao aminy ilay anjely, dia nanao hoe: Arahaba, ry ilay nohasoavina, ny Tompo momba anao.’” (Lioka 1:28)

Ary avy eo : “Ary taitra loatra izy noho ny teniny ka nieritreritra izay tokony ho hevitr'izany fiarahabana izany. ” (Lioka 1:29)

Voalohany dia taitra i Maria, fa avy hatrany kosa dia nanontany tena ny amin’ny dikan’izany. Ary ao anatin’io andininy io ihany, dia nandray fanapahan-kevitra izy : “Inty ny ankizivavin'ny Tompo; aoka anie ho tonga amiko araka ny teninao” (Lioka 1:38)

Nanana antony arivo i Maria hilazana hoe : “Mmmh... misaotra tamin’ny vaovao, fa aleo aloha aho hiresaka amin’ny ray aman-dreniko na amin’ny pasiterako.” 🤨🤭 Tena HAFA loatra ilay zava-nitranga ka ara-dalàna raha noresahina tamin’olona aloha...

Fa tsy izany no nataon’i Maria!

Voalohany dia taitra izy, avy eo nanontany tena, ary nanapa-kevitra hino sahady alohan’ny hihaino ny hevitry ny hafa!

Raha fintinina, izao no filaharan’ny zava-nitranga :

🔸 Taitra izy :  “Ary taitra loatra izy noho ny teniny...” (jereo Lioka 1:29 )

🔸 Nanontany tena izy :  “...Ka nieritreritra izay tokony ho hevitr'izany fiarahabana izany?’” (Lioka 1:29)

🔸 Nanapa-kevitra izy : “Inty ny ankizivavin'ny Tompo; aoka anie ho tonga amiko araka ny teninao” (Lioka 1:38)

Sao dia misy zavatra manokana napetrak’Andriamanitra tao am-ponao (angamba efa ela izay), ka tahaka an’i Maria ianao izao : matahotra, gaga, ary mety matahotra ao am-po?

“Ahoana no hahafahako manatanteraka izany hevitra izany? Iza moa aho?”

Koa anio, mamporisika anao aho mba hanontany tena hoe inona marina no mety ho dikan’izany.

Anontanio ny tenanao, fa aza maika hanontany ny hafa. Ento ao anatin’ny vavaka izany. 🤲🏻

Ary avy eo, MANAPAHA HEVITRA anio ho an’ny tenanao : “Inty ny ankizivavin'ny Tompo; aoka anie ho tonga amiko araka ny teninao” (Lioka 1:38)

Fahagagana ianao!!