Raha tsy eo ianao, misy zavatra tsy ampy!

🎶 “Fianakaviana hafa, firenena hafa. Rahalahy hafa, fifandraisana hafa. Fiainana hafa, fotoana hafa… Raha mba azoko atao… mampalahelo ahy ianareo…”

Tokony ho 15 taona teo aho no nihira ireo teny ireo sady nitomany, raha nanoratra tao anaty diariko hoe :  “Raha tsy nisy aho, ho mora kokoa ho an’ny rehetra.”

Ah… , na anio aza, mangovitra aho rehefa mahatsiaro izany… Niverina tamin’izany fotoana izany aho, satria manoratra sy mandrakitra ny bokiko voalohany aho hoe “Sarotra ny mahatsapa ho maivana”. Maro ny zavatra adinoko… fa rehefa namaky ireo teny ireo aho dia niverina tampoka daholo ny fahatsiarovana.

Izaho fantatrao ankehitriny io dia tsy mitovy mihitsy amin’ilay izaho taloha, izay naniry ho teraka tamin’ny fotoana hafa, tao anatin’ny vatana hafa, tao amina fianakaviana hafa.

Te hanjavona aho. Tsy nandositra ny trano aho… fa lasa tsy hita tsikelikely… Voalohany very 1 kg, avy eo efa ho 30 kg…

Eritrereto kely hoe raha maty aho noho ilay olana tamin’ny fisakafoanana… Izaho izay mampahery olona an’arivony ankehitriny… dia tsy hisy intsony. 🕊️

“Aza manao hoe: Ahoana no nahatsara ny andro taloha noho ny ankehitriny? fa tsy avy amin'ny fahendrena no anontanianao izany.” (Mpitoriteny 7:10)

Ireo teny ireo dia voasoratra ao amin’ny Baiboly. Ary azo lazaina amin’ny fomba hafa koa hoe: “Fa maninona aho no teraka tato amin’ity fianakaviana ity ?” na hoe: “Fa maninona ny volako tsy mitovy amin’ny an’ny hafa ?” na koa: “Fa maninona aho no miaina miaraka amin’ity aretina ity ?” Fantatro… tena mafy izany. Tena mafy.

Nefa:

👉 Izay tian’Andriamanitra hatao amin’ny alalanao, tsy misy afaka manakana… afa-tsy ianao.

Ho an’Andriamanitra, tsy olana ny toe-javatra iainanao. Atolory Azy fotsiny ny fiainanao, tena atolory marina.

Raha tena lasa aho tamin’izany fotoana izany, dia hisy zavatra tsy ampy eto amin’ity tontolo ity ankehitriny.

Toy izany koa ianao: raha mangina noho izay iainanao ianao, dia tsy ho ampy ny feonao eto!

Ianao irery no afaka miaina ny iraka nomena anao. ❤️

🎯 Ny fotoana dia ANIO. Ka miomàna hiaina NY fiainanao manokana!

Fahagagana ianao !