• MG
    • AR Arabic
    • CS Czech
    • DE German
    • EN English
    • ES Spanish
    • FA Farsi
    • FR French
    • HI Hindi
    • HI English (India)
    • HU Hungarian
    • HY Armenian
    • ID Bahasa
    • IT Italian
    • JA Japanese
    • KO Korean
    • MG Malagasy
    • NL Dutch
    • NL Flemish
    • NO Norwegian
    • PT Portuguese
    • RO Romanian
    • RU Russian
    • SV Swedish
    • TA Tamil
    • TH Thai
    • TL Tagalog
    • TL Taglish
    • TR Turkish
    • UK Ukrainian
    • UR Urdu
Andro namoahana Mey 15, 2025

☀️ Ny hatsaran'ny fahatsorana!

Andro namoahana Mey 15, 2025

Omaly isika dia nijery ny ampahany amin’ilay andinin-teny manao hoe: “Ataovy ny zavatra rehetra amin'ny tsi-fimonomononana sy ny tsi-fisalasalana, mba ho tsy manan-tsiny sady tsy misy fitaka ianareo..” (Filipiana 2:14-15), ary nisaintsaina manokana ny teny hoe “tsy misy tsiny” isika.

Anio dia te hifantoka amin'ny lafiny iray tiako indrindra amin'io andalana io aho, dia ny momba ny fahatsorana, izany hoe ny fahadiovan'ny fo.

Ny olona tsotra dia ireo izay tsy miaina ao anatin’ny fitaka, izay tsy mamela ny tsy fahatokisana hitarika azy hanao teti-dratsy, na hiteny ratsy ny hafa na koa hiezaka hisehoseho… Miaina ao amin’ny fitahian’Andriamanitra sy ao anatin’ny fifaliana isan’andro amin’ny Fanatrehany izy ireo. Miaina sy mahafantatra ny fiadanan’ny Tompo izy, ary manana fahasoavana hankasitraka ny an-tsipirian’ny fiainana rehetra tahaka ny fotoana lehibe, sady tso-po eo amin’ny fifandraisany.

Tsy manentana anao ve io famaritana momba ny fahatsoran'ny fo io? Izaho manokana dia maniry izany bebe kokoa isan'andro! Ankoatra izany, jereo ny fampanantenana omen’ny Baiboly momba ny fahatsorana:

  • Milaza ny Baiboly fa miaro ny olona tsotra Andriamanitra (Salamo 116:6) ary mampahendry ny kely saina ny Teni-vavolombelony (Salamo 19:7).

  • Naniraka antsika toy ny ondry eo anivon’ny amboadia i Jesosy ary nilaza tamintsika hoe: “koa hendre tahaka ny menarana, ary morà tahaka ny voromailala.” (Matio 10:16). Tiako ity fangaro ity! Ny fahatsorana dia tsy mifanipaka amin’ny hoe marani-tsaina, na hafetsena aza, raha mbola madio tokoa ny fikasan’ny fontsika. Raha ny marina, Jesosy mihitsy no mandidy antsika ho hendry tahaka ny bibilava. Didy izany!

  • “ka nihinan-kanina tamin'ny fifaliana sy ny fahatsaram-po” ny mpianatr’i Jesosy (Asan’ny Apostoly 2:46). Hitantsika eto indray fa mifamatotra ny hafaliana sy ny fahatsoran’ny fo.

  • Nolazaina koa isika fa tokony hanompo ny olona “amin'ny fahatsoran'ny fonareo, toy ny fanekena an'i Kristy ihany,” (Efesiana 6:5).

Misy hatsarana sarobidy rehefa miaraka amin'ny fahasoavana, fahendrena, faharanitan-tsaina ary fitiavana ny fahatsorana.

Ry namako, katsaho bebe kokoa hatrany izany fahatsoran'ny fo izany amin'ny zavatra rehetra ataonao! Raha tsikaritrao fa tsy manana fahadiovam-po ianao amin'ny lafiny rehetra amin'ny fiainanao, dia mamporisika anao aho mba hanokana fotoana hanavaozan'Andriamanitra anao. Tiany ny hanolo ireo korontana rehetra ao anatinao izay ezahan’ny fahavalo apetraka ao an-tsainao, amin’ny alalan’ny eritreritra madio mitondra fitahiana, fiadanana... Ho hitanao fa tena hisy fiovana tokoa izany! ;D

Fahagagana ianao !

Eric Célérier
Mpanoratra

Eric Célérier is a French pastor and author, and president of Jesus.net. He's recognized for his innovative use of cutting-edge technology to spread the Gospel and connect people worldwide with the Bible.