Ny Fitsanganany = Ny fitsangananao
Afaka mizara fahatsiarovana mikasika ny fiainako aminao ve aho? Zavatra tonga ao an-tsaiko avy hatrany rehefa manakaiky ny Paska?… Nisy nanolana aho taloha kelin'ny Paska fony aho mbola kely, ary tamin'izay fotoana izay dia nieritreritra aho fa tsy ho velona intsony.
Nandritra ny fotoam-pivavahan’ny Paska, nipetraka teo amin’ny seza farany aho, voagejan’ny henatra sy ny fanamelohan-tena (izay mazàna ho inoan’ireo niharan’ny fanararaotana fa tena marina), ary zavatra iray ihany no faniriako: ny hanjavona…
Tsy nety nihaino ny toriteny notorin’ny pasitera ny sofiko, satria mbola mety ho marina amiko ve izany amin’izao toe-javatra mahazo ahy izao? Ary tamin'izay fotoana izay dia nilaza ny tena marary ahy ilay pasitera:
"Fa Izy (Jesosy) dia voaratra noho ny fahotantsika!" Tena ao izany! Ary nitsangana indray Izy mba hahafahanao manomboka fiainana vaovao, fa "ny dian-kapoka taminy no nahasitranana antsika!" (Jereo ny Isaia 53:5)
Tamin’izay fotoana izay dia fantatro fa mila mijoro teo anoloan’ny hazo fijaliana aho, niaraka tamin’ny henatro, ny heloko, eny na dia ny vatako simba aza, mba hahatakarana marina izay nataon’i Jesosy tamiko!
Raha manao izay fara herintsika isika dia hanao izay tsy ho vitantsika Andriamanitra!
“Ary niresaka hoe izy: Iza re no hanakodia ny vato ho afaka amin'ny varavaram-pasana hisolo antsika? Fa nony nitraka izy, dia, indro, hitany fa efa voakodia niala ny vato; fa lehibe dia lehibe ny vato.”( Marka 16:3-4 ).
Tsy fantatr’i Maria Magdalena sy Maria hoe amin’ny fomba ahoana no hanakisahana ilay vato mavesatra. Nandeha anefa izy ireo ka nahita fa efa nomanin’Andriamanitra ny lalan’izy ireo!
Ry namako, te hamporisika anao amin’ny foko manontolo aho mba hizotra amin'ny lalanao manokana, hametraka ny tenanao eo ambanin'ny hazo fijaliana, ary hino fa Jesosy dia hanao izay heverinao tsy ho tanteraka!
Jesosy mihitsy no hanakodia ny vatonao! Manafaka anao Izy, tahaka ny nanafahany ahy!
Hoy Jesosy aminao anio: "fa ianareo no hahita Ahy; satria velona Aho, dia ho velona koa ianareo.” (Jaona 14:19) Ianao koa dia tsy voafaritry ny zava-nitranga teo amin’ny fiainanao!
Tena sarobidy eo Imasony ianao!
Fahagagana ianao!
