• MG
    • AR Arabic
    • CS Czech
    • DE German
    • EN English
    • ES Spanish
    • FA Farsi
    • FR French
    • HI Hindi
    • HI English (India)
    • HU Hungarian
    • HY Armenian
    • ID Bahasa
    • IT Italian
    • JA Japanese
    • KO Korean
    • MG Malagasy
    • NL Dutch
    • NL Flemish
    • NO Norwegian
    • PT Portuguese
    • RO Romanian
    • RU Russian
    • SV Swedish
    • TA Tamil
    • TH Thai
    • TL Tagalog
    • TL Taglish
    • TR Turkish
    • UK Ukrainian
    • UR Urdu
Andro namoahana Aog 13, 2025

Ny Andriamanitrao no ho Andriamanitro

Andro namoahana Aog 13, 2025

Rehefa miresaka vehivavin’ny fankatoavana ao amin’ny Baiboly dia tafiditra ao i Rota. Na tsy nahalala an’Andriamanitra aza izy tam-boalohany fa noho ny vadiny, dia nisafidy izy ny hanaraka ny Andriamanitry ny rafozam-baviny Naomy, tao aorinan’ny nahafatesan’ny vadiny.

Rehefa nisafidy hikarakara an’i Naomy i Rota ka handeha hitsimpona salohim-bary dia nanontany ny heviny aloha izy izay vao nandeha. “Aoka aho hankany an-tsaha mba hitsimpona salohim-bary eo aorian'izay hahitako fitia eo imasony. Dia hoy izy taminy: Andeha ary, anaka. Dia lasa nandeha izy…” (Rota 2:2-3a)

Ny fankatoavana dia toe-po. Afaka tsy nijanona teo i Rota, afaka tonga izy dia nitady izay nahasoa azy, afaka tsy niera…. fa rehefa nisafidy izy ny hifikitra taminy dia nekeny ny hoe “ny Andriamanitrao no ho Andriamanitro” (Rota 1:16b). Toe-po toy izany no ahazoana sitraka amin’Andriamanitra, toe-po tia manompo, manaja, tsy misy fivadihana ary manome lanja ny hafa. 

Nahita fitia tamin’Andriamanitra sy ny olona moa izy ka nahazo vady sahaza no nisandratra teo amin’ny fiaraha-monina ary izy no bebean’i Davida mpanjaka izay razambe an’i Jesosy… Woow! Fankatoavana no lakile.

Misafidiana ho mahatoky amin’ny ataonao rehetra, meteza ho fitahiana ho an’ny hafa, ianao no handrasan’ny manodidina anao, ny ao amin’ny fianakavianao, ny eo amin’ny tanananao, ny ao am-pianaranao, ny ao am-piasanao mba haneho ny ohatry i Kristy ka ahatonga azy ireo hanaraka Azy. 

Fitahiana ny fisianao!

Eric Célérier
Mpanoratra

Eric Célérier is a French pastor and author, and president of Jesus.net. He's recognized for his innovative use of cutting-edge technology to spread the Gospel and connect people worldwide with the Bible.