• MG
    • AR Arabic
    • CS Czech
    • DE German
    • EN English
    • ES Spanish
    • FA Farsi
    • FR French
    • HI Hindi
    • HI English (India)
    • HU Hungarian
    • HY Armenian
    • ID Bahasa
    • IT Italian
    • JA Japanese
    • KO Korean
    • MG Malagasy
    • NL Dutch
    • NL Flemish
    • NO Norwegian
    • PT Portuguese
    • RO Romanian
    • RU Russian
    • SV Swedish
    • TA Tamil
    • TH Thai
    • TL Tagalog
    • TL Taglish
    • TR Turkish
    • UK Ukrainian
    • UR Urdu
Andro namoahana Mar 19, 2025

Miteny tsy misy tanjona akory ve Andriamanitra ?

Andro namoahana Mar 19, 2025

Rehefa niteny tamiko mazava tsara Andriamanitra (eny, tena nazava tsara mihitsy !) nandritra ny fivorianay hoe : “Antsoiko ianao hiala eto.” Dia tena nisafotofoto ny fihetseham-poko.

 

"Izaho izay tena tia an’ity fikambanana ity – jereo ny asa nataonay tamin’ny alalan’ireo tetikasa sosialy izay tena nahomby sy nivoatra – efa mihoatran’ny 10 taona aho no tato, tsy nitandro fotoana – ankehitriny, tsy maintsy avela koa izany ny hany mba loharanom-bola farany sisa azo antoka."

Minoa ahy, fa ny ampitson’iny aho dia efa nieritreritra hoe : "Kay kay kay, hahafinaritra ity, hahaleo tena ho amin’ny fanompoana aho ho amin’ny fanjakan’Andriamanitra ! Tsy maintsy vita ity…" Nefa, vetivety teo dia nisalasala indray!”

Ara-dalàna ny misalasala sy misaina toy ny olombelona rehetra amin’ny voalohany. Fa aza adinoina hoe i Jesosy dia ao anatinao ! Ary Jesosy ao anatinao io dia hitondra anao hiverina amin’ny lalan’Andriamanitra – na dia tsy mbola hita maso aza izany anio, mety ho hita rahampitso !

Tiako hampahatsiahivina anao fa rehefa nilaza tamin’i Abrahama Andriamanitra hoe : “Mandehana miala amin'ny taninao sy ny havanao ary ny tranon'ny rainao hankany amin'ny tany izay hasehoko anao; dia hahatonga anao ho firenena lehibe Aho sady hitahy anao sy hahalehibe ny anaranao; ary ho fitahiana tokoa ianao.” (Genesisy 12.1-2), dia tsy mbola hita maso akory izany rehetra izany tamin’io fotoana io !

Tsy maintsy niala tamin’ny taniny Abrahama, vao afaka niaina ny fampanantenan’Andriamanitra !

Izany no tiako hamporisihina anao anio. Satria raha te hiaina ny fampanantenan’Andriamanitra ianao, dia mila miala amin’io toeranao io !

Ary rehefa manao dingana ianao, dia aoka ho tadidinao foana ity fahamarinana izay tian’ilay ”Jesosy ao anatinao” hotsarovanao, amin’ny fotoanan’ny fisalasalana ity : Miasa amintsika amin-kery Andriamanitra. Ary rehefa mangataka zavatra Aminy isika, dia afaka manao mihoatra lavitra noho izay eritreretintsika Izy ! Eny, ny heriny dia mihoatra lavitra noho izay takatry ny saintsika!  (Efesiana 3.20)

Eny, mahay manome anao iraka vaovao izay sarobidy eo imasony Izy, ary na dia ilaozanao aza ny loharanom-bolanao teo aloha, dia afaka manome mihoatra lavitra noho izay navelanao Izy !

Vonona ve ianao hihetsika anio ary hihaina fiovana MAHAFINARITRA?Fahagagana ianao!

Eric Célérier
Mpanoratra

Eric Célérier is a French pastor and author, and president of Jesus.net. He's recognized for his innovative use of cutting-edge technology to spread the Gospel and connect people worldwide with the Bible.