👖Mitafia araka ny tokony ho izy !

 

Ny Amperora Napoleon dia nanana fahazarana niteny tamin’ny zatovony hoe “Ampiakanjoy miadana aho fa maika”.

Fehezanteny tena mahafinaritra ! Raha te hanao zavatra haingana sy tsara tokoa ianao dia mila maka fotoana hanaovana azy. Satria ny fikoropahana dia mitondra voka-dratsy mandrakariva… Na io aza dia tena ilana faharetana.

Koa satria miresaka fitafy isika dia jereo ny ambaran’ity andinin-tsoratra masina ity :  « Koa mitafia famindrampo sy fiantrana, fahamoram-panahy, fanetren-tena, fahalemem-panahy, fandeferana » (Kolosiana 3 :12).

Saino anie ny fombafombanao rehefa miakanjo ny maraina. Inona no fanao mahazatra anao ? Mifidy ireo akanjo izay tianao anaovana mandritra ny andro angamba ianao (sady miezaka mampivady ny zavatra rehetra), esorinao ny akanjomandry, ary farany ampidirinao ny akanjo. Mora e ? Sa tsy izany ? Azoko antoka fa efa mandeha ho azy io fahazarana io, hany ka tsy mieritreritra izany mihitsy ianao.

Ny andinintsoratra androany dia mamporisika anao hitafy ny vokatry ny Fanahy, sy ny faharetana, indrindra indrindra. Ny faharetana dia mety amin’ny zavatra rehetra ! Eny, marina izany, tsy maintsy manokatra ny efitranon'ny fonao ianao ary manapa-kevitra ny hahita izay ao anatiny ! Avy eo dia hanaovanao izany. Kanefa indraindray rehefa mahatsapa hakamoama ianao na koa maika, dia aleonao angamba mandao ny tranonao tsy mitafy faharetana. Saingy alaivo sary an-tsaina hoe mandao ny trano tsy misy pataloha ianao, satria kamo ny hampiditra izany ? Fanadinoina hitarika olana ho anao izany. Toy izany ihany koa ny faharetana…

Ry namako, aza miala ao an-trano raha tsy mitondra ny faharetana. Rehefa mitafy azy ianao dia tena mety aminao izany  😉

Avelao hamiratra ny Fahazavan’i Kristy amin’izay rehetra alehanao.