Misaotra, misaotra !

Misaotra amin’izay rehetra ataonao ! ❤️

Misaotra amin’ny faharetanao, na dia tsy misy mampahery anao aza eny an-dalana ! Misaotra tsy kivy, na dia tsapa toa tsy misy lanjany aza indraindray izay ataonao !

Misaotra ireo ray aman-dreny izay mbola mikarakara ny zanany – na ny ray aman-dreniny manokana – amin’ny fitiavana, na dia kely aza ny fitiavana averin’izy ireo.

Misaotra ny vady, lahy na vavy, izay miezaka hatrany manatsara ny fifandraisana, na dia matetika aza tsy misy valiny.

Misaotra anao izay mikarakara ny havanao marary na efa antitra, na dia mandany hery be anao aza izany ary toa tsy misy mahita.

Misaotra anao izay mbola mahatoky amin’ny namanao, na dia mandalo fotoan-tsarotra aza ianao.

Misaotra anao izay miaro ny rariny, na dia tsy mampahazo aina aza izany ary mampiatrika fanoherana.

Misaotra anao izay mbola miady hatrany na dia eo aza ny fahadisoam-panantenana ! Na eo amin’ny fianaranao, na amin’ny asanao, na amin’ny fivoaranao manokana.

Misaotra anao izay mbola mamafy fitiavana sy fanantenana hatrany, na dia mbola tsy mahita ny vokany aza ianao !

Misaotra – satria : izay afafinao no hojinjanao !

Izany dia hamafisin’ny tenin’Andriamanitra ao amin’ny Galatiana 6 hoe : «Ary aza mba ketraka amin'ny fanaovan-tsoa isika; fa amin'ny fotoan'andro no hijinjantsika, raha tsy reraka isika.» (Galatiana 6.9 )

Misaotra anao manohy hatrany ! Tena farak’izay sarobidy tokoa ianao ! 💙