• MG
    • AR Arabic
    • CS Czech
    • DE German
    • EN English
    • ES Spanish
    • FA Farsi
    • FR French
    • HI Hindi
    • HI English (India)
    • HU Hungarian
    • HY Armenian
    • ID Bahasa
    • IT Italian
    • JA Japanese
    • KO Korean
    • MG Malagasy
    • NL Dutch
    • NL Flemish
    • NO Norwegian
    • PT Portuguese
    • RO Romanian
    • RU Russian
    • SV Swedish
    • TA Tamil
    • TH Thai
    • TL Tagalog
    • TL Taglish
    • TR Turkish
    • UK Ukrainian
    • UR Urdu
Andro namoahana Mey 28, 2025

⛪ Miroso amin'ny dingana manaraka!

Andro namoahana Mey 28, 2025

Andeha isika hitohy hiara-mandinika ireto andininy kanto ao amin’ny Salamo faha-100 ireto, izay ahitantsika ireo fanalahidy maromaro afaka manova ny fiainantsika andavanandro miaraka amin’Andriamanitra.

Hoy ny tohiny ao amin’ny Salamo: “Mihobia ho an’i Jehovah, ry tany rehetra, manompoa an’i Jehovah amin’ny fifaliana…” (Salamo 100:1-2).

Hitantsika omaly fa mila miaina ao anatin’ny firaisana tsy tapaka amin’Andriamanitra isika ary rehefa mitoetra eo amin’ny Fanatrehany isika, dia lasa manompo Azy amim-pifaliana sy fitsaharana, ary amin’ny fo manontolo.

Mbola miresaka fifaliana ihany ity Salamo ity, fa amin’ity indray mitoraka ity dia fifaliana azo avy amin’ny fanompoana.

Fantatrao ve fa tsy mitady mpanompo Andriamanitra? Eny tokoa, eo amin’ny kolontsaintsika kristiana, dia matetika isika no midera ny fahamendrehan’ireo manompo an’Andriamanitra isan’andro amin’ny fanomezana azy ireo ny anarana hoe “mpanompon’Andriamanitra”; fa raha ny marina, tsy mitondra fanamarinana  izany anarana izany.

Hoy i Jesosy tamin’ny mpianany: “Tsy hataoko hoe mpanompo intsony hianareo, fa ny mpanompo tsy mahalala izay ataon’ny tompony; fa efa nataoko hoe sakaiza hianareo, satria izay rehetra reko tamin’ny Raiko no nambarako taminareo.” (Jaona 15:15).

Ny mpanompo dia manao izay zavatra hasaina ataony araka ny tokony ho izy sy amin’ny fahamatorana, satria adidiny izany. Ary tsy manao afa tsy ny asany izy.

Ny namana dia manao zavatra amim-pitiavana sy amin’ny fony rehetra. Tsy vitan’ny hoe manatanteraka fotsiny izy, fa vonona ny hihoatra sy hanao izay rehetra ilaina, satria entanin’ny fisakaizana Aminy.

Tsy mitady mpanompo Andriamanitra: fa mitady namana, zanaka tena tia Azy ka vonona hanompo Azy amin’ny fiainany. Tsy manao an’izany an-tery isika, fa noho isika manana fifandraisana velona sy lalina Aminy, ary tena tombontsoa ny manompo Azy amin’ny fontsika manontolo.

Ry namako, misy fifaliana lehibe miandry antsika rehefa mankatò an’Andriamanitra amin’ny fontsika rehetra isika! Saingy tsy afaka mahita izany fifaliana izany isika raha tsy mahatsapa ilay fifaliana noho ny fanatrehany sy ny fiderena Azy aloha, tahaka ny hitantsika omaly.

Eny, tena azo tsapain-tanana izany! Tian’Andriamanitra hiaina fiainana feno fifaliana ianao. Izany no itarihany anao amin’ny alalan’ity Salamo ity mba hanao ireo zavatra roa izay hanome fifaliana anao indrindra: manatona midera Azy eo amin’ny fanatrehany ary manompoa Azy amin’ny fonao rehetra.

Aoka hisitraka an’izany ianao! ;D

Fahagagana ianao!

Eric Célérier
Mpanoratra

Eric Célérier is a French pastor and author, and president of Jesus.net. He's recognized for his innovative use of cutting-edge technology to spread the Gospel and connect people worldwide with the Bible.