Miandry onitra ve ianao?
Tiako ny mandany ny fialantsasatro any atsimon'i Frantsa, mandeha fiara ary mahita ireo tanàna vaovao eny an-dalana !
Ary nandritra ny iray tamin'ireo dia ireo indrindra no tratran'ny “radar” aho, satria nahasarika ahy loatra ny toerana mahafinaritra nanodidina ahy! Niova avy hatrany ny fihetsem-poko tsara, satria feno fanontaniana be de be tato anatiko: "Ohatrinona no ho vidin'io onitra io? Tsia, amin'ny fotoana hahatongavan'ny taratasy any Alemana ary hahazo ny fitsarako aho, mbola hisy herinandro maromaro!"
Mety haharitra tokoa ireo herinandro ireo, feno fikorontanana izay mandany ny fotoana sarobidy amin’ny fiainantsika. Toy izany koa ny fahadisoantsika, ny fahotantsika ary ny tsy fahombiazantsika. Angamba efa nanao fahadisoana lehibe mihitsy aza ianao, ary mbola mitondra ny vokatr’izany ianao anio… Tonga enta-mavesatra eo an-tsorokao izany…
Na izany na tsy izany dia afaka miteny foana aho hoe: "MISAOTRA AN'ANDRIAMANITRA noho ny fahasoavany lehibe sy ny fitiavany antsika!" Hatramin'izao, tsy azoko mihitsy hoe maninona Andriamanitra no te hanala ny manavesatra antsika na dia eo aza ny fahadisoantsika!
"Fa toy izao no nitiavan’Andriamanitra izao tontolo izao: nomeny ny Zanani-lahy Tokana, mba tsy ho very izay rehetra mino Azy, fa hanana fiainana mandrakizay. Fa Andriamanitra tsy naniraka ny Zanaka ho amin'izao tontolo izao hanameloka izao tontolo izao, fa mba hamonjeny izao tontolo izao." ( Jaona 3:16-17 ).
Tsy MAHAFINARITRA ve izany? Te-hanampy andininy iray hafa aho mba hahatakaranao fa afaka mametraka ny enta-mavesatrao ianao anio :
“ary novonoiny ny sora-tànan'ny didy izay niampanga antsika; dia nesoriny tsy ho eo mihitsy izany ka nohomboany tamin'ny hazo fijaliana”. (Kolosiana 2:14).
Tsy tonga tany amiko mihitsy ilay onitra avy any atsimon’i Frantsa — nefa mendrika izany aho! Toy izany koa, nesorina ny sazy noho ny fahadisoanao, nesorina tsotra izao, rehefa niakatra teo amin’ny hazo fijaliana i Jesosy!
Na dia ny tsy fahombiazanao lehibe indrindra aza dia nozakain’i Jesosy am-pandresena.
Hanaiky an'io fanomezana io ve ianao anio? Vavaka iray… afaka hanafaka anao anio!
