😇 Miadam-pinaritra ianao!

Efa renao ve izay fomba fiteny izay hoe “miadam-pinaritra ianao”? Ampiasaina izay fomba fiteny izay mba ilazana hoe tena milamina tanteraka isika.

Indraindray ny fiainam-boninahitra dia lavitry ny zava-misy marina. Eny, rehefa tojo olana isika, ka mamely antsika ny tsy fitoniana, dia tsy fantatsika izay tena tokony atao, sy ny fomba hialana amin’izany. Amin’izay fotoana izay dia mety hahatsapa mihitsy aza isika hoe tsy misy fanantenana intsony. Kanefa tsarovy mandrakariva : ny Andriamanitsika dia Andriamanitry ny Fanantenana! Te hamerina fanantenana marina sy feno voninahitra ao anatinao Izy.

Izany no nolazain’ny apostoly Paoly rehefa nanoratra izy fa ilay Kristy anatintsika dia ilay “Fanantenana ny voninahitra” (Kolosiana 1:27). Tiako koa ity dikan-teny espaniola ity hoe : “Ary ny tsiambaratelo dia i Kristy miaina ao anatinao. Mahazo matoky ianao fa mandray anjara amin’ny Voninahiny.” Manana fanantenana izay mihoatran’izao tontolo izao isika, kanefa miainga amin’izao tontolo izao: izay ilay fanantenana ny hiaina anatin’ny voninahitr’Andriamanitra. Ary tsy hoe rehefa any an-danitra ihany isika, fa eto an-tany koa.

Mandritra ny andro vitsy, da handalina momba ilay fanantenana marina omen’Andriamanitra isika rehefa tojo fotoan-tsarotra.

Hiara-hivavaka isika “Tompo ô, misaotra fa noho ny Aminao dia manana fanantenana feno voninahitra mameno anay izahay ka manampy anay handroso, na amin’ny fotoan-tsarotra aza. Mivavaka aho mba ho fenoinao ny fanantenanao isan’andro isan’andro, ka hijereko izao tontolo izao araka ny fijerinao. Amin’ny Anaran’I Jesosy, Amena.”

Ato am-poko ianao.