• MG
    • AR Arabic
    • CS Czech
    • DE German
    • EN English
    • ES Spanish
    • FA Farsi
    • FR French
    • HI Hindi
    • HI English (India)
    • HU Hungarian
    • HY Armenian
    • ID Bahasa
    • IT Italian
    • JA Japanese
    • KO Korean
    • MG Malagasy
    • MM Burmese
    • NL Dutch
    • NL Flemish
    • NO Norwegian
    • PT Portuguese
    • RO Romanian
    • RU Russian
    • SV Swedish
    • TA Tamil
    • TH Thai
    • TL Tagalog
    • TL Taglish
    • TR Turkish
    • UK Ukrainian
    • UR Urdu
Andro namoahana Okt 25, 2025

Manome hery ho an'izay kivy Andriamanitra!

Andro namoahana Okt 25, 2025

“Fa Andriamanitra, Izay mampionona ny mpandefitra, no efa nampionona anay…” (2 Korintiana 7:6).

Mahafinaritra ny mandre an'izany vao maraina, sa tsy izany?

Izany indrindra no nanjo ahy indray andro, rehefa namaky io andininy io tao amin’ny bokiko fampaharezana aho. Avy eo koa ny mofon’aina:

Aza kivy na oviana na oviana, fa lavo ny toe-tsaina  milavo lefona. 

Ah, mampihomehy ihany hoe izaho tenako no nanoratra izany, fa tena mampahery tena tokoa aho! Ary tsapako tsara fa tsy "izaho" no manoratra ny bokiko, fa Andriamanitra mihitsy, amin'ny alalan'ny Fanahy Masina. Haleloia! 

Raha hiverenana io andinin-teny mahafinaritra io, dia nientanentana tokoa aho noho ny famporisihana naterak'izany tato anatiko, ka avy hatrany aho dia naka sary an'ity pejy ity ary navoakako tao anaty tambazotra sosialy izany, satria te hampahery ny hafa izay mety mandalo fotoan-tsarotra aho. 

Kanefa, tao am-poko, dia efa reko sahady ilay feo kely nibitsibitsika hoe: “Izany teny izany dia tsy hitondra vokatra hafa tsy ho an’izay mampihatra izany ihany. Ho an’izay hanao arak’izany sy izay miantso Ahy mba hamonjy azy”.

Marina izany. Tsy ampy ny tsy fanaovana na inona na inona.

Andriamanitra dia manolotra antsika ny fanampiny, fa miandry antsika hangataka izany Izy.

Fantatrao ve, fa ny eritreritro tamin'izany fotoana izany dia izao: "Betsaka amin’ny ireo mpamaky no mety hamaly ny hafatro hilaza fa Andriamanitra dia tsy manampy azy ireo mihitsy. Ahoana no ahafahako mandresy lahatra azy ireo fa ny famakiana ilay tenin’Andriamanitra dia tsy ampy mba hahazoana fanampiana? Zava-dehibe ny manatona amim-pahavitrihana an'Andriamanitra amin'ny alalan'ny vavaka. Ary tsotra kely anie izany...".

Sady mamela ny eritreritro malalaka aho, nanokatra ny bokiko fampaherezana faharoa ka nahita ny valiny mazava sy mivantana:

“Fa aoka ho mpankatò ny teny ianareo, fa aza mpihaino fotsiny ihany ka mamitaka ny tenanareo.”. ( Jakoba 1:22 ).

Tena ilaina ny mamaky teny soratra Masina. Fa aza mijanona  fotsiny eo.

TSARA ny manatona akaiky an'Andriamanitra, ny hiaina manokana ny zavatra nomaniny ho anao!

Eric Célérier
Mpanoratra

Eric Célérier is a French pastor and author, and president of Jesus.net. He's recognized for his innovative use of cutting-edge technology to spread the Gospel and connect people worldwide with the Bible.