😃 Maniry hanome fifaliana ho anao Andriamanitra anio

Tsy maniry ve ianao hitoetra anaty fifaliana izay azo tsapain-tanana eny na anaty fotoana mety manahirana aza?

“Fa Hianao mampirehitra ny jiroko; Jehovah Andriamanitro no mampahazava ny fahamaizinako.” (Salamo 18:28). Tena feno harena ao anatin’io fehezan-teny iray io! Voalohany dia tsy midika hoe ianao no mamorona ny fifalianao amin’ny fomba rehetra! Andriamanitra no manetsika izany ao anatinao!

Mety mieritreritra ianao izao hoe :” Tena miha-mananosarotra…”. Nefa dia tena ny mifanohitra amin’izay: ny fifaliana no vokatry ny fo maniry hampifaly an’Andriamanitra!

Tohin’ny niainako dia afaka manamafy aho fa nandritry ny taona maro dia niezaka nanome lafiny mihoatra ny natoraly ho an'ny fifaliana voajanahary nomen'Andriamanitra ahy aho, satria hitako fa tia ahy noho izany ny olona. Anefa dia nitaky ezaka be izany!

Ka tamin’ny fotoana aho nisafidy ny hampitsahatra hampifaly ny olona fa kosa hampifaly an’Andriamanitra dia nandeha ho azy izany! Nitombo be ny fifaliako ary nivadika ho fifaliana lalina sy tena izy - ary ny vokatra dia namirapiratra koa aho!

“Koa namaly ahy araka ny fahamarinako Jehovah, dia araka ny fahadiovan'ny tanako teo imasony.” (Salamo 18:24)

Tsy miteny aho hoe tonga lafatra isika na hoe “tsy misy fahotana”. Fa ny fanontaniana dia hoe : “ Te hampifaly an’Andriamanitra ve ianao?” Nanoratra toy izao i Davida : “Ny lalan'ny teni-vavolombelonao no ifaliako, Tahaka ny ifaliako amin'ny harena rehetra.” (Salamo 119:14)

Maniry hanome anao io fifalian’ny fo io Andriamanitra, izay hita taratra amin’ny tarehinao ka ahakasika ny manodidina anao! Eny, maniry hampamiratra ny fiainanao Izy satria Izy ilay fahazavan’ny alina. Izay novakiantsika ao amin’ilay andininy fanokafana.

Tena zava-misy ny fifaliana rehefa miaina ao amin’ny fahamarinana ianao!

Vonona ve ianao hamela Azy hamiratra ao amin’ny aizina sy hamafa ireo singa maizina izay mety hanaloka ny fahiratanao!

Anjara voatendry ho anao ny fifaliana!

Fahagagana ianao!