🍃 Manirery ve ny manirery?

Tamin’ny andron’i Jesosy, nisy lehilahy iray antsoina hoe Simeona. Tsy olona mafy loha izy. Fa tena mifanohitra amin’izany aza ! Izao no voasoratra momba azy : “(...) ary ny Fanahy Masina dia tao aminy. Ary efa nambaran'ny Fanahy Masina taminy fa tsy hahita fahafatesana izy mandra-pahitany ny Kristin'ny Tompo.” (Lioka 2.25-26)

Vakiantsika kimaimaika fotsiny ny karazana andinin-tsoratra masina toy io satria fantatsika fa tonga teto an-tany tokoa Jesosy.. Fa ahoana kosa ny momba an’i Simeona ? Tsy nisy porofo mihitsy tamin’izany fa hitranga tokoa izany! Tsy nanana afa-tsy ny fahaizana nino ny faminaniana izy, izay efa voalaza an-jatony taona lasa izay ! (Jereo Isaia 7.14)

Fa indray andro, Simeona dia nanao hoe : “Raha tiako hiainana ny fahagagako, dia tsy maintsy miala amin’ity toerana ity aho !” Afaka nilaza koa izy hoe : “Rehefa irery dia manirery moa. Tsy hisy zavatra hitranga mihitsy eto.” Nefa nisafidy ny hitsangana izy ! Izao no voasoratra hoe : “Ary nentin'ny Fanahy Masina niditra teo an-kianjan'ny tempoly izy; ary rehefa nampidirin'ny ray aman-dreniny Jesosy zaza mba hanaovany araka ny fomban'ny lalàna ny amin'ny zaza, dia nitrotro Azy izy” (Lioka 2.27)

Iza no mitarika anao? Ilay hevitra raiki-tapisaka hoe : "Rehefa manirery dia manirery, izay izany"? Sa manaraka ny feon’Andriamanitra, amin’ny alalan’ny Fanahy Masina ianao ka mino ianao, na dia mbola tsy mahita aza ? Vonona hitsangana ve ianao, mba hahita ?

Raha mino mialohan'ny fahitàna ianao dia hihazona ny teny fikasany Andriamanitra amin'ny famelana anao handre ny FeonyFahagagana ianao !