Mandrehitra afo ve ianao? 🔥🪵

Tsy fahavalonao ilay olona nandiso fanantenana anao.

Averiko indray: 👉Tsy fahavalonao ilay nandiso fanantenana anao.

Raha mbola nisaintsaina an'io eritreritra io aho dia nisy olona niara-niasa akaiky tamiko namitaka sy namadika ahy.

Tena mafy izany kanefa izay indrindra no nitranga.

Ary na dia teo aza izany, dia tsy nitsahatra namporisika ahy ny Fanahy Masina mba hamotsitra sy hamela azy. Isaky ny te-hiteny ratsy an’io olona io aho dia nibitsibitsika tamiko tamin’ny Feony tony sy malefaka Izy hoe: mamelà!

Ny famelan-keloka dia mandà ny handrehitra ny afo mbola te hirehitra!

Ary inona no tombotsoa an’izany?

👉Ho anao ihany ny tena marina….

Mety ho sarotra ny zava-misy, mety hampahory ny zava-nitranga…

Fa aoka tsy hohadinointsika mandrakizay:

"Mahonòna tena, miambena: fa ny devoly fahavalonareo mandehandeha tahaka ny liona mierona mitady izay harapany; tohero izy, ka miorena tsara amin'ny finoana ianareo, satria fantatrareo fa izany fahoriana izany dia manjo ny rahalahinareo rehetra eran'izao tontolo izao." (1 Petera 5:8-9).

Ny Fanahy Masina, amin’ny alalan’ny bitsika malefaka, dia vonona hanavao antsika rehefa vonona hamela heloka isika! Hihaino Azy ve ianao? 💡

“Fa isika tsy mitolona amin'ny nofo aman-drà, fa amin'ny fanapahana sy amin'ny fanjakana sy amin'ny mpanjakan'izao fahamaizinana izao, dia amin'ny fanahy ratsy eny amin'ny rivotra.” (Efesiana 6:12)

Raha ny momba ahy manokana dia resy lahatra aho fa te handrava ity fiaraha-miasa ity ny fahavalo satria hitany fa tena sarobidy izany. Ary raha mamela varavarana kely fotsiny isika dia hahita lalana hidirana foana izy.

Noho izany, ny fanontaniana tena tokony hipetraka dia izao:

👉 “Izaho ihany ve no mety nanokatra an’io varavarana io?”

Ao aorian’izay, dia mila mamela heloka ianao ary mangataka amin'Andriamanitra hanokatra lalana vaovao, ho an'ilay nandratra anao… sy ho an'ny tenanao. (jereo Salamo 5:9).

Fa ny zavatra rehetra dia hain'Andriamanitsika. Azoko antoka fa hanao izay tsy azo eritreretina Izy… ho anao! Izy no tompon’ny teny farany. 🙏🏻 

Fahagagana ianao! 💛