Mahita zava-baovao ao anatin’ny tonta 🥸😉
Mahatsapa ve ianao fa maizina ny fiainanao amin’izao fotoana izao, mety hoe tsy misy fanantenana ?
Tena azoko ireny eritreritra ireny… Ary amin’ireny fotoana ireny indrindra no sarotra amiko ny manokatra Baiboly. Mainka moa fa hamaky zavatra vaovao.
Kanefa vakio fotsiny izay tianao vakiana. Tsy manery anao hamaky andininy manokana Andriamanitra. Afaka mihaona aminao amin’ny pejy rehetra Izy ! Tsy manery anao hamaky ny Teniny akory Izy – nefa amin’ny alalan’izany ihany no tiany hiresahana aminao. 😍
Angamba amin’ireny andro ireny ianao hamaky lahatsoratra efa fantatrao – toy ny ao amin’ny Matio 16 – fa miaraka amin’ny fanontaniana vaovao ao an-tsainao :
📖 « Ary rehefa tonga tany amin'ny faritanin'i Kaisaria-filipo Jesosy, dia nanontany ny mpianany Izy ka nanao hoe: Ataon'ny olona ho iza moa ny Zanak'olona? Dia hoy ireo: Hoy ny sasany: Jaona Mpanao-batisa; ary hoy ny sasany: Elia; ary hoy ny sasany: Jeremia, na anankiray amin'ny mpaminany. Ary hoy Jesosy taminy: Fa ianareo kosa manao Ahy ho iza? » (Matio 16.13–15)
Ary avy eo tonga ILAY valiny lehibe : 📖 « Ary namaly Simona Petera ka nanao hoe: Hianao no Kristy, Zanak'Andriamanitra velona. » (Matio 16.16)
💡 Fotoana mahery vaika izany ! Afaka mametraka fanontaniana vaovao ianao izao hoe : “Taiza no nitrangan’izany ?”
Valiny : Tao amin’ny faritra tena feno mpanompo sampy, feno andriamanitra sandoka sy doany. Ary tao indrindra, tao amin’io toerana maizina io, no nanambarana ny iray amin'ireo fijoroana vavolombelona mahery vaika indrindra momba an'i Jesosy!
🔥 Ary tao, taona vitsivitsy tatỳ aoriana, Kaisaria Filipo, izay foiben’ny fanompoan-tsampy taloha, dia lasa toerana nisy finoana kristiana. Nisy fiangonana naorina tao, ary nielezan’ny Filazantsara tamin-kery, mety ho vokatr’ilay teny feno fahasahiana nambaran’i Petera : 📖 «Hianao no Kristy, Zanak'Andriamanitra velona. » (Matio 16.16)
💭 Noho izany, fanontaniana vaovao apetraka amin’ny lahatsoratra taloha dia afaka mitondra fahatakarana vaovao.
Amin’ilay fanontaniana hoe : “Taiza no nitrangan’izany ?” – dia hitantsika fa :
👉 Afaka miasa Andriamanitra na dia amin’ny toerana maizina indrindra aza !👉 Fanambarana feno fahasahiana iray dia afaka manova hoavy manontolo !👉 Toe-javatra toa tsy misy fanantenana anio dia mety ho lasa toerana fandresena rahampitso!
Taza-maso ny aizina – fa ny Tenin’Andriamanitra kosa tena miasa… ary mitondra hazavana ! 📖 Mamporisika anao aho anio hanokatra ny Baibolinao – mba hahita harena vaovao tsy hay lazaina ao anatiny !
