Jereo aty – fa tsy any an-kafa 👀😉

“Ataoko eo anatrehako mandrakariva Jehovah…” (Salamo 16:8)

Andininy tena mahery ! Davida ah, nahita teny lalina indray ianao ka mbola mampifoha anay ankehitriny. ⏰

Fa raha mamaky izany amin’ny dikanteny hafa isika, dia tiako hampitahaina amin’ny soratra hebreo tany am-boalohany ny teny sasany. Satria ao no ahitana volamena 👑 madio. Manana hery lehibe ny teny tsirairay nampiasaina ! Ny iray amin’izy ireny, ohatra, dia midika hoe :

“Efa niomana aho…”, izany hoe :

“Nandray fanapahan-kevitra aho hibanjina mandrakariva ny Tompo !”

Eny, mitovy amin’ny fanaovana “réglage” ao amin’ny findainao izany. Tonga dia mihatra avy hatrany ilay fanovana ! Noho izany dia nametraka fanovana tamin’ny tenany Davida ka na inona na inona mitranga, dia mijery ny Tompo izy. Tena tiako izany ! 😃👏

Misy teny hafa ao amin’ny soratra hebreo manazava fa tsy napetrak’i Davida teo an-tsisin’ny fiainany Andriamanitra, fa notazoniny teo afovoany, tao anatin’ny sainy sy ny fifantohany indrindra ! Oay, eny, isika koa angamba mila manitsy ny réglage-ntsika matetika mba hino toy izany, sa tsy izany ?

Misy teny kely iray hafa koa, nefa tena mahery, izay manambara fa Davida dia nijery mandrakariva, tsy nitsahatra, tsy tapaka, ny Tompo. Ny fanamafisana dia eo amin’ny toe-tsaina maharitra sy tsy miova.

Raha fintinina : tsy nisy afaka nampiala ny mason’i Davida tamin’Andriamaniny – satria efa izay no fanapahan-keviny. Ary fantany koa hoe nahoana no mendrika izany :

“Hampahafantatra ahy ny lalan'aina Hianao.” (Salamo 16:11)

Ireo teny ireo dia nivoaka avy amin’ny vavan’olona iray izay tena nandalo olana teo amin’ny fiainany ! Ary angamba izany indrindra no antony…

Koa inona àry ny fanovana izay hanapahanao hevitra atao anio ?

Ny torohevitro ho antsika,  ho anao sy ho ahy, dia izao tsotra izao : Andeha hibanjina Azy isika – fa tsy any an-kafa 👀😇

Andramo anio ny hiaina, amin’ny fijery mifantoka tanteraka Aminy !

Fahagagana ianao !