Izay no antony !

Tena sarobidy loatra ianao💙 Sarobidy loatra eo imason’ny fahavalo.

Izany no mahatonga azy mierona eo amin’ny fiainanao. Mierona amin’ny endrika fanelingelenana izy.

Eny, tampoka teo dia feno kokoa noho ny mahazatra ny fandaharam-potoananao. Tampoka teo dia manahy zavatra izay efa ela nampanantenain’Andriamanitra anao ianao :

“ary apetraho Aminy ny fanahianareo rehetra, fa Izy no miahy anareo ” (1 Petera 5:7)

Tampoka teo dia marary ianao ka very tanteraka ny faniriana hamaky Baiboly. Tampoka teo dia malahelo tsy misy antony ianao… Miverimberina foana izany “tampoka teo” izany…

Tsarovy mandrakariva izao :

“Mahonòna tena, miambena. Fa ny devoly fahavalonareo dia mandehandeha tahaka ny liona mierona mitady izay harapany” (1 Petera 5:8)

Ary mierona amin’ny alalan’ny fanelingelenana anao izy. Fantatrao ve hoe nahoana ny liona no mierona? Mampita hafatra amin’ny liona hafa izy amin’izany hoe : “Efa misy tompony ity faritra ity.” Mahavariana sa tsy izany? 🦁

Koa lazao amiko : “feno zavatra” ve ny sainao amin’izao fotoana izao? Feno fanelingelenana an’arivony, eritreritra an’arivony? Raha eny, dia nahomby ny fahavalo… nahomby tamin’ny fampivilina anao – sy nampanalavitra anao… amin’Ilay milaza aminao hoe :

“apetraho Aminy ny fanahianareo rehetra, fa Izy no miahy anareo” (1 Petera 5:7)

Tsy manana hery afa-tsy ilay omenao azy ny fahavalo.

Koa tsarovy ny hery tsy manam-petra ananan’Andriamanitrao, ilay Andriamanitra tia anao sy mamerimberina aminao hoe :

“Apetraho Aminy ny fanahianareo rehetra, fa Izy no miahy anareo” (1 Petera 5:7)

Ity no fampahatsiahivana ho anao anio : Apetraho eo Aminy ny zava-drehetra… ary miverena maka hery 💪 eo amin’Ilay tsy mba reraka sy vonona mandrakariva hihaino sy hanohana anao. (jereo Isaia 40:28)

Satria sarobidy ianao. Satria manana vidiny tsy manam-petra eo imasony ianao. 💖

Fahagagana ianao!