Iza no mpanota lehibe indrindra eto an-tany?

Izaho manokana dia efa nieritreritra an’izao matetika hoe: "Oh, raha mba afaka niverina taona vitsivitsy lasa aho, amin’izao fahalalana ananako ankehitriny izao dia mba mety afaka nisoroka fahadisoana maro!"

Inona àry no ataonao rehefa tonga amin’izao fanenenana izao ankehitriny? Mety hieritreritra mihitsy aza ianao hoe: "Lavitra an'Andriamanitra aho... BE loatra ny tsy nety nataoko."

Afaka manome toky anao aho. Satria tsy izaho irery no afaka nanoratra boky momba ilay "olona ratsy" toa ahy taloha. Paoly koa aza dia nahita fiovana lehibe teo amin’ny fiainany. Hoy izy momba ny tenany:

“tonga tetỳ ambonin'ny tany Kristy Jesosy hamonjy ny mpanota, ary amin'ireny izaho no lohany. Kanefa izao no namindrana fo tamiko, dia ny mba hasehon'i Jesosy Kristy eo amiko, izay lohany, ny fahari-po rehetra ho fianarana ho an'izay hino Azy hahazoana fiainana mandrakizay.” (1 Timoty 1:15-16)

Manana faharetana bebe kokoa noho ianao Andriamanitra amin'ny tenanao!

Manasa anao aho hamerina handinika ny tenin'i Paoly. Milaza ny tenany ho mpanota lehibe indrindra eto an-tany izy. Te hampiseho aminao izy fa tsy misy na inona na inona amin’ny zavatra nataonao hialan’ Andriamanitra aminao. Tsy vitan’ny hoe afaka manatona Azy ianao fa efa manatsotra ny tanany Izy miandry anao. 

Maniry hanolotra ny fiainanao ho Azy ve ianao anio ka hamotsitra ireo fahotanao eo Aminy mba hanehoany aminao ny fomba hanovany ny ratranao ho fahagagana? Dia manasa anao  aho hiara-mivavaka amiko izao:

"Jesosy ô, ny vesatry ny fahotako dia efa mavesatra amiko hatry ny ela. Te hanomboka fiainana vaovao indray aho, ary mangataka Aminao aho anio mba hamela ny fahotako rehetra - ary hamafa izany. Esory ny fanamelohan-tena rehetra ato anatiko ary omeo fanombohana vaovao aho. Misaotra Anao noho ny fitiavanao tsy manam-paharoa. Enga anie ny fiainako ho vavolombelon'ny fitiavanao! Amen."