Inona no drafitr’Andriamanitra ho an’ny fiainanao ?
Fantatrao ve ny antson’Andriamanitra ho an’ny fiainanao ? Heveriko fa ny fanontaniana mikasika ny fiantsoana dia anisan’’ireo fanontaniana mahazatra indrindra apetratsika amin’ny maha zanak’Andriamanitra antsika.
Nandritra ny fiarahako tamin’ny Tompo, toy ny olon-drehetra, dia nanontany tena foana aho hoe : “Inona no drafitr’Andriamanitra ho an’ny fiainako ? Inona no antsoko ?”
Tsara izany fanontaniana izany, fa ny tena tsara ambonin’izay dia izao : manana valin-teny ho anao Andriamanitra. Hoy ny Baiboly : “Izay namonjy antsika sy niantso antsika tamin’ny fiantsoana masina, tsy araka ny asantsika, fa araka ny fikasany sy ny fahasoavany izay nomena antsika tao amin’i Kristy Jesosy hatry ny fony fahagola…” (2 Timoty 1:9).
Eny, ry namako, efa nanana drafitra ho an’ny fiainanao Andriamanitra talohan’ny namoronana an’izao tontolo izao ! Efa tao am-pony ianao, ary Fitiavana no nahariany anao, mba ho feno sy ho tanteraka miaraka Aminy ny fiainanao.
Mbola mipetraka ihany anefa ny fanontaniana. Fantatrao fa manana drafitra ho an’ny fiainanao Andriamanitra, nefa inona ilay izy ? Inona no hiantsony anao manokana Mandritra ny andro vitsivitsy manaraka dia hizara aminao ireo fanalahidy nianarako nandritra ny taona maro aho, mikasika ny fomba hahitana ny drafitr’Andriamanitra ho an’ny fiainana. Heveriko fa hanampy anao hahita ny drafiny ho anao izany. Vonona ve ianao ?
