😎 Inona no antom-pisianao?

Afaka hametrahako karazam-panontaniana aman'arivony toy izany ianao fa safidiako hatsahatro amin'ity fanontaniana goavana ity hoe: "Inona ny antom-pisianao?"

Apetrako aminao io fanontaniana io, satria na izaho aza vao haingana izay, dia nanontany tena ihany koa. Aza mieritreritra hoe : “Ny anao mazava ho azy fa efa fantatra tsara izany.” Tsia, tsy izany mihitsy ! Na dia miasa amin’ny fanompoana an’Andriamanitra aza aho, izay heveriko ho fahasoavana lehibe, dia mety ho nivily lalana amin'ny "fahamarinana" satria dia "feno" fahafahana manoloana ahy....

Hitanao tamin'ny fahatanorako dia maika aho ny hanoratra ho an'ireo Fiangonana raha mba afaka mandray ahy izy ireo hanao fampisehoana.Tena tsy ho voambarako anao ny isan'ny fandavana vaoraiko tamin'izany vanim-potoana izany! Ankehitriny kosa dia ny mifanohitra amin'izany ary tena feno fankasitrahana aho. Ny fangatahana dia avy amin'ireo Fiangonana mivantana izay faly ny handray ahy.

Saingy, afaka manaiky izay seho misy aho, na manao fandraisam-peo izay eo nefa dia mandalo fotsiny ilay fiainana efa nomanin'Andriamanitra ho ahy! Mahavariana e?

Satria tsy ny habetsahan’ny zavatra atao akory no tena zava-dehibe, fa ilay kalitao sy tanjona amin’ny fiainantsika teto an-tany, izay tsy tokony hohadinoina.

👉🏽 Izany indrindra no iverenako amin’ilay fanontaniana lehibe hoe :“Inona no antom-pisianao ?”

Satria eo no handraisanao ny valim-panontanianao!

Asaiko ianao handinika tsara izany fanontaniana izany anio, ary hangataka amin’Andriamanitra mba hanome valiny mazava ho anao. Satria tsy natao handany fotsiny ny fotoanantsika isika, fa natao hitantana izany amim-pisainana sy amin’ny fahendrena.

Tsy misy hampazoto anao mihoatry ny miaina ny fiainana am-pahatongavan-tsaina, miaraka amin'Andriamanitra izay maniry ny hanome anao ny Fahazavany!

Ao amin’ny Romana 6, isika mamaky hoe : “fa atolory ny tenanareo ho an'Andriamanitra, …, ary ny momba ny tenanareo ho fiadian'ny fahamarinana ho an'Andriamanitra.” (Romana 6.13)

Manasa anao aho anio, makà fotoana manokana handinihana ny fiainanao. Inona no azo esorina amin’ny fandaharam-potoananao ? Ary inona no tokony ho ampidirina ao ?

Maniry aho mba ho feno sy voamariky ny ny fitarihan’Andriamanitra ny fiainanao !

Fahagagana ianao !