📖 Inona izao no antenainao amin’ny Baiboly?

Andeha isika hanohy hiresaka momba ny dingana ataontsika izay manana hery hiteraka fiovana eo amin'ny fiainanao. Ary anio dia te hifantoka amin’ny lafiny iray hafa izay tena ilain’ny finoanao aho, dia tsy inona fa ny Baiboly.

Tsy fantatro hoe ahoana ny fifandraisanao amin’ny Baiboly, ary mahafa-po anao ve ny famakianao azy io ankehitriny.

Fa na inona na inona haavonao sy traikefanao amin'ny Tenin'Andriamanitra, dia tadidio fa afaka mitombo ianao amin'ny fotoana rehetra, toy ny hitantsika momba ny vavaka omaly.

Raha izaho manokana, dia nisy fotoana namaky andininy vitsivitsy monja isan’andro, ary indraindray namaky toko 10 isan’andro. Ara-bakiteny.

Raha ny marina, mba hanatratrarana izany, dia nanaraka drafitra famakiana isan-taona aho, izay nandrisika ahy hamaky haingana toko 10 ao amin’ny Baiboly isan’andro. Ary tena tiako izany!

Nitahy sy nampahery ahy tokoa izany ka nandritra ny roa taona manaraka, dia nanohy nanaraka ilay izy tamin’ny toko 5 isan’andro ihany aho =)

Tokony hamaky toko 5 ka hatramin’ny 10 isan’andro ve isika rehetra? Tsia. Amin'izao fotoana izao dia tsy mamaky toko maro be isan'andro aho satria tsapako fa niantso ahy ny Tompo mba hanena ilay izy mba handalinana kokoa ary hianatra Baiboly bebe kokoa.

Nanomboka nianatra andininy 1 na 2 isan’andro aho, namakafaka ny teny tsirairay, ary namela an’Andriamanitra hiresaka tamiko tamin’ny alalan’izy ireo, ary tena nampahery tokoa izany! Tena nanampy ahy hiroso lalindalina kokoa sy hitombo finoana izany.

Ary tsy midika izany fa tsara kokoa ny fandalinana lalina noho ny famakiana haingana. Samy nahatanteraka ny tanjony izy ireo ary tena tonga lafatra ho ahy tamin’izany fotoana izany, satria izany no nilaiko, ary nitarihan’ny Fanahy Masina ahy.

Izany indrindra no fanalahidym: mamela ny tenanao hotarihan’ny Fanahy. Rehefa nahita ity drafitra famakiana toko 10 isan’andro ity aho dia nahatsapa fiadanana sy faniriana lehibe ny hanao izany, ary nanao izany aho! Ary tena fitahiana tokoa izany. Avy eo, rehefa tsapako fa nila niroso tamin’ny fianarana feno fikirizana kokoa aho, dia nataoko izany. Ary izany no tena nilaiko tamin'izany fotoana izany teo amin'ny fiainako!

Inona no andrasanao amin’ny Baiboly amin’izao fotoana izao eo amin’ny fiainanao?

> Raha sahirana amin'ny famakiana ny Baiboly ianao, dia miantso anao angamba Andriamanitra hamaky andinin-teny iray isan'andro avy ao amin’ny YouVersion (eo amin'ny telefaoninao, tena mety! =)

> Azonao atao ny mamakafaka ireo andalan-tsoratra masina izay nisy fiantraikany be indrindra taminao ao amin’ny Baiboly ary mandalina azy ireo amin’ny fomba lalina. Miantso anao hamaky toko iray amin’ny Filazantsara isan’andro ve Andriamanitra ka hamela ny tenanao ho voataonan’ny fampianaran’i Jesosy?

> Raha te hamaky toko 10 isan’andro ianao, toa ahy, dia afaka manamafy ny fahalalanao ny Soratra Masina amin’ny ankapobeny.

> Ary raha heverinao fa tonga lafatra aminao ny famakianao Baiboly amin’izao fotoana izao, dia aza manova na inona na inona fa tohizo!

Na izany na tsy izany dia tiako ny hamporisika anao hivavaka momba ity lohahevitra ity dieny izao. Anontanio an'Andriamanitra ny tokony ho traikefanao amin'ny Teniny manomboka anio.

Hoy ny Baiboly: “Fanilon’ny tongotro sy fanazavana ny lalako ny teninao.” (