🥱 Ianao koa ve reraka ?

“Azafady fa tsy hoe te hanome endrika ratsy aho, fa tena reraka be aho amin’izao fotoana izao…”

Raha nandefa hafatra am-peo ho an’ny namako aho, dia nisy fanairana maro tao anatiko, ary naheno feo kely milaza aho hoe: “Hey, tsy tokony hiresaka toy izao ianao, ary tsy tiako mihitsy ny fomba fiteninao!”

Eny, indray mandeha indray, niverina io feo kely io. Feo kelin’ny fahamarinana… fa natanjaka kokoa ny feon’ny faharerahana nanenika ahy!

Ny arerahana dia mety mora mitondra antsika amin’ny fahadisoana. Rehefa reraka isika, dia mifantoka amin’ny zavatra vitan’ny olona fotsiny, ary manadino izay mety ho vitan’Andriamanitra!

Inona no lainga nafafin’ny devoly ao anatinao indray anio? Ary ahoana no namalianao izany? Raha oharina amin’ny faharerahana na ny fahafahan’Andriamanitra?

“izay manana ny teniko dia aoka hanambara marina ny teniko.” (Jeremia 23.28)

Tsy momba izay ampianarinao ny hafa ihany no resahina eto, fa momba izay ampianarinao ny tenanao ihany koa – sy izay mivoaka avy amin’ny vavanao! Eny, momba ANAO izany.

“izay manana ny teniko”, ny tena marina dia  momba ANAO izany! Nanome hafatra maro ho anao Andriamanitra tamin’ny alalan’ny Baiboly izay mety efa voampirina any anaty fanaka any!

“hanambara marina”, midika izany hoe: lazao amin’ny fahamarinana tanteraka.

Amin’ity toe-javatra ity, afaka manontany tena ianao hoe: “Nahoana moa no mitaraina momba ny fiainako aho? Iza no miteny eto? Ny faharerahana ve?”

Fotoana izao, na aiza na aiza misy anao, mandohaliha ary miondreha eo anatrehan’Andriamanitra: “Mifona aho raha nifantoka tamin’ny tenako ny teniko fa tsy Taminao! Ankehitriny, ovaiko ny fomba fijeriko, ary mangataka Aminao aho: ampio aho hahita ity andro ity amin’ny fijerinao, amin’ny herinao ary amin’ny fahafahanao! Eny, ho andro tsara ity, satria nanome toky ahy Ianao tao amin’ny Teninao fa hanampy ahy (Salamo 120.1)! Misaotra Anao aho satria azoninao ny fampanantenanao, ary matoky aho! Amen.”

Fahagagana ianao!