• MG
    • AR Arabic
    • CS Czech
    • DE German
    • EN English
    • ES Spanish
    • FA Farsi
    • FR French
    • HI Hindi
    • HI English (India)
    • HU Hungarian
    • HY Armenian
    • ID Bahasa
    • IT Italian
    • JA Japanese
    • KO Korean
    • MG Malagasy
    • NL Dutch
    • NL Flemish
    • NO Norwegian
    • PT Portuguese
    • RO Romanian
    • RU Russian
    • SV Swedish
    • TA Tamil
    • TH Thai
    • TL Tagalog
    • TL Taglish
    • TR Turkish
    • UK Ukrainian
    • UR Urdu
Andro namoahana Mar 2, 2025

🕒 Ho lasa ihany izany

Andro namoahana Mar 2, 2025

Inona no zavatra lalovanao amin’izao fotoana izao ?

Faly hiatrika ity andro vaovao ity ve ianao, sa kosa mieritreritra hoe : «Andriamanitra ô, ahoana no hiatrehako an’ity tontolo andro ity ? »

Izao vao tsikaritro fa matetika ny fanombohan’ny lahatsoratro alefako aminao dia hoe : « Vao aingana, tao anaty vanim-potoana tena nahabe adin-tsaina ahy dia … ». Ka inty misy teny iray tena manan-danja : « vanim-potoana ».

Inona no atao hoe vanim-potoana ? Dingana iray ao anatin’ny fotoana mitohy. Midika izany fa misy fetrany ny vanim-potoana iray.

Izay lalovanao amin’izao dia mandalo fotsiny ! Azonao ve izany ?

Angamba ianao mieritreritra hoe : «Tsy ho tafavoaka amin’izao mihitsy aho!» Eny e, marina angamba izany : IANAO amin’ny maha ianao anao no mety tsy ho tafavoaka. Izany no antony itarihan’Andriamanitra anao hivoaka !

Ary azonao inoana sy lazaina anio fa ho tonga aminao izany !

Na ny mpianatra aza dia sady natahotra no very hevitra tanteraka rehefa nisy tafio-drivotra tampoka teny ambonin’ny lakana nisy azy ireo : « Maty izahay ! » hoy izy ireo niantso vonjy (Lioka 8:24). Diniho kely anefa : teo amin’izy ireo tao anaty lakana i Jesosy, ary efa nahita fahagagana maro niaraka Taminy nefa mbola nitomany ihany izy ireo rehefa nandalo fotoan-tsarotra.

Firy ny fahagagana efa vitan’Andriamanitra teo amin’ny fiainanao ? Tsy mino ve ianao fa Ilay miaraka aminao ankehitriny dia tsy vitan’ny hoe hanampy anao indray, fa hanome BETSAKA KOKOA ho anao ? Mba hahafahanao mizara izany amin’ny hafa indray rehefa mandalo vanim-potoana sarotra izy ireo ?

Inona no atao hoe vanim-potoana ? Tadidinao ve ? Dingana iray ao anatin’ny fotoana mitohy. Midika izany fa misy fetrany ny vanim-potoana iray.

“Jesosy Kristy no tsy miova omaly sy anio ary mandrakizay”.  (Hebreo 13:8)

Fantatrao ve ny fanontaniana napetrak’i Jesosy tamin’ny mpianatra taorian’ilay hoe «Maty izahay !» (Lioka 8:24) ? Hoy Izy : «Aiza ny finoanareo ?» (Lioka 8:25). Angamba nanadino vetivety izy ireo…

Ary amin’izao vanim-potoana lalovanao izao, dia manontany anao ihany koa Izy : «Mino ve ianao fa eo ambany fifehezako tanteraka ny fiainanao ?»

Eric Célérier
Mpanoratra

Eric Célérier is a French pastor and author, and president of Jesus.net. He's recognized for his innovative use of cutting-edge technology to spread the Gospel and connect people worldwide with the Bible.