Hiova ny fiainanao!

Isa-maraina ianao dia hahita antony ahafahanao manapa-kevitra. Fanapahan-kevitra tsy azon’olon-kafa raisina ho anao -  ary goavana ny vokatr’izany!

Tsy azonao fehezina ny asa miandry anao anio. Tsy afaka manapa-kevitra ianao hoe amin’ny fotoana inona ny kibonao no miteny anao hoe noana. Tsy afaka mifehy na ny taratasy na faktiora 🤪 izay hilatsaka ao amin'ny boaty mailakao anio ianao.

Fa zavatra iray no eo an-tananao tanteraka:

💬 Ny teny aloaky ny vavanao mandritra ity tontolo andro ity! 🤗

Satria: "Ny mahafaty sy ny mahavelona samy hain'ny lela, Koa izay manarana azy dia hihinana ny vokany” (Ohabolana 18:21).

Tian'Andriamanitra ho velona ianao! Voalaza mazava ao amin’ny Baiboly izany. Vakio, ohatra, ao amin’ny Deoteronomia: “MIFIDIANA FIAINANA!” (Deoteronomia 30:19)

Midika izany fa tian’Andriamanitra hiteny tsara momba ny tenanao - sy ny hafa ianao!

Tena sarobidy io fanapahan-kevitra io satria manome voninahitra an’Andriamanitra sy manome fiainana ho anao! Mifandray akaiky amin’ny fiainana sambatra kokoa ny fomba fiteninao! Fantatrao ve izany?

Ovay àry ny fomba fiteninao - dia hanova ny fiainanao ianao!

Hafatra somary fohy kokoa anio - ary fantatrao ve ny antony? Satria tsy anjarako ny manova ny fomba fiteninao fa anao! ☺️ Araka ny nolazaiko dia anao ity fanapahan-kevitra ity - ary mamporisika anao aho mba hanao safidy tsara sy hanisy tombo-kase izany fanapahan-kevitra izany anio amin'ny alalan' izao vavaka izao:

“Ray ô, misafidy ny fiainana aho anio… ary hatomboko amin’izay zavatra lazaiko izany…”!