Hatao aminao araka ny finoanao...

Vao avy nanao fitetezam-paritra aho, izay narahina seminera nifampizarako ny lohahevitra hoe “Miaina ny fahagagana, mba hampitana izany”. Raha fintinina dia niresaka momba ny fahagagana aho nandritra ny tapa-bolana... ary fantatrao ve ny vokatr'izany?

Tena feno fahatokiana tanteraka aho fa misy ny fahagagana ary tena mitranga tokoa, hany ka lasa fiainako isan’andro ny  "fanantenana fahagagana" !

Na faktiora tsy nampoiziko ho tonga ao amin'ny boaty mailako, na hafatra avy amin'ireo ray aman-dreny mamoy fo satria mitsabo ny zanany vavy noho ny aretina... Tsy miova ny fihetsiko manoloan’izany: "Raha amin’ny maha-olombelona dia sarotra be ny toe-javatra... nefa mino aho fa mbola manana fahagagana ho antsika Andriamanitra!"

Tiako ny hanonona olona iray hafa izay toa tsy nisy fanantenana intsony koa ny toe-javatra niainany: ilay mpanompon'ilay mpitari-tafika voalaza ao amin’i Matio. Nalemy izy ary nijaly mafy tokoa. Ary ny lehibeny (!) mihitsy no nankany amin'i Jesosy ka nanao hoe:

"Fa mitenena ihany, dia ho sitrana ny ankizilahiko." (Matio 8:8)

Fantatrao ve ny navalin'i Jesosy? Tsotra ny nolazainy:

"Tongava aminao araka ny ninoanao" (Matio 8:13)

✨ Andeha hanambara fa zava-misy marina ny fahagagana, mba ho maro no ho tanteraka. ✨

Inona no ilaina amin'izany? Ity mpitari-tafika ity dia niteny tamin'i Jesosy tamim-pinoana hoe:

"Mitenena teny iray monja, dia ho sitrana ny mpanompoko."

Ary ianao, ahoana ny fomba firesakao momba ny manjo anao? Satria ao anatin'ny teninao no iantombohan'ny fahagaganao. Teny iray monja dia afaka mampihetsika izany!

Koa averiko indray: Ahoana no fomba firesakao momba ny toe-javatra iainanao? Ary raha mamaly anao  Jesosy anio hoe: "Hatao aminao araka ny finoanao", ho hitanao ve ny fahatanterahan’ny fahagaganao?

Fomba fijery sarobidy sy manan-danja, izay manasa anao hanova ny fomba fisainanao sy ny fomba firesakao momba ny toe-javatra iainanao izany.

Satria miseho ny fahagagana - eny, na dia eo amin'ny fiainanao aza!