👆Haavo hafa no miandry anao!

Ny iray amin'ireo sehatra voalohany tiako hamporisihana anao hanao dingana fanampiny dia ny vavaka.

Na inona na inona fiainam-bavakao, amin’izao misy anao izao anio, dia hisy haavo vaovao hiandry anao foana:

• Raha tsy zatra maharitra amin'ny vavaka ataonao ianao.

• Raha mivavaka tsy tapaka ianao nefa tianao ho lalina kokoa ny fotoananao irery miaraka Aminy.

• Raha mahatsapa tsy tapaka ny Fanatrehan'Andriamanitra amin'ny vavaka ianao, nefa maniry ny hanana fotoana mahery vaika miaraka Aminy irery  ao amin'ny Toerana Miafina.

Dia manomana ambaratonga hafa ho anao Andriamanitra, ary mila fotsiny ianao manao dingana kely, izay mampanakaiky anao tsikelikely amin’ny anjaranao.

Hetsika iray ambanin’ny fitarihan’ny Fanahy Masina dia manana hery hanavao anao sy hampahery anao ary hitarika anao hiaina zava-baovao ao Aminy! 🙌🏻

Raha ny marina, araka ny zavatra niainako, dia ny iray amin'ireo zavatra manan-danja indrindra azontsika atao rehefa miresaka momba ny vavaka, dia ny manokana fotoana miaraka amin'Andriamanitra. Ireto misy hevitra vitsivitsy:

• Manokana minitra vitsivitsy isan’andro, amin’ny fotoana mitovy hatrany raha azo atao, ary ataovy ho fotoam-bavaka izany fotoana izany. Izany dia hanampy anao tsy hiovaova ary hamorona fahazarana mivavaka.

• Angataho Andriamanitra hitarika ny fotoam-bavakao mba hahafahanao miaina tanteraka ny fitarihany sy mandre mazava ny Feony eo amin’ny fiainanao.

Eny, misy haavom-bavaka vaovao foana miandry anao! Ary ny tena zava-dehibe, araka ny hitantsika omaly, dia misy dingana kely vaovao azonao atao anio hanakaiky anao kokoa amin’ny anjaranao ;D

Mampianatra antsika i Jesosy rehefa miteny hoe: “Mangataha, dia homena ianareo...” (Matio 7:7). Mamporisika anao aho hanontany Azy anio hoe inona no dingana manaraka tokony hataonao mba hiainanao misimisy kokoa ny vavaka eo amin’ny fiainanao.. ary miainga avy amin’izay azonao amin’io fotoana io dia manomboha manao dingana kely tsy amin-tahotra! ;D

Manana zava-dehibe ho anao Andriamanitra.