🕓 Fifanatrehana tsy tapaka…

Tohizantsika ny andinin-teny momba ilay Toerana Masina, amin’ny fisaintsainana ilay andininy fototra. Anio dia handinika ny tohin’ilay andininy isika : “Fa ianao kosa, raha mivavaka…” (Matio 6:6)

Nahita isika omaly fa ilay teny hoe “Fa ianao kosa” ao amin’io andininy io, dia mampiavaka antsika amin’ny mpihatsaravelatsihy mba hampianarana antsika fomba vaovao. Tahaka izao no tohin’ilay teny : “raha mivavaka…”

Matetika, rehefa mieritreritra ilay Toerana Miafina isika dia ilay fotoana manokana hihaonana amin’Andriamanitra ihany no ao an-doha… Ary tena zava-dehibe izany fotoana izany, miavaka ary tena ilaina amin’ny fitomboan’ny finoantsika!

Raha ny marina, ny fomba fampianaran’I Jesosy ny amin’ilay Toerana Miafina mba hihaonana amin’Andriamanitra resahin’io andininy io dia, azo ampiharina isak’izay fotoam-bavaka ataontsika, izay no mahatonga Azy niteny hoe “raha mivavaka…”

Eny tokoa, manokana fotoana miavaka miaraka amin’Andriamanitra isika ao amin’ilay Toerana Miafina, angamba isa-maraina… Ry namako, tsy tokony ho voafetra amin’io fotoana io ihany izany, fa tokony ampiharina amin’izay fotoam-bavaka rehetra ataontsika mandritra ny tontolo andro koa. Miantomboka amin’ny maraina ary mitohy isan’ora.

Ry namako, isaky ny mivavaka ianao dia manana fahafahana goavana hiaina fihaonana lalina amin’Andriamanitra!

Mandritra ireto andro vitsivitsy ireto dia hijery ny amin’izay fomba fampiharana ireo ny foto-kevitr’ilay Toerana Miafina amin’ny fotoam-bavaka rehetra isika, mba ahafahantsika mifandray amin’Andriamanitra mandritra ny tontolo andro.

Fahagagana ianao!