• MG
    • AR Arabic
    • CS Czech
    • DE German
    • EN English
    • ES Spanish
    • FA Farsi
    • FR French
    • HI Hindi
    • HI English (India)
    • HU Hungarian
    • HY Armenian
    • ID Bahasa
    • IT Italian
    • JA Japanese
    • KO Korean
    • MG Malagasy
    • MM Burmese
    • NL Dutch
    • NL Flemish
    • NO Norwegian
    • PT Portuguese
    • RO Romanian
    • RU Russian
    • SV Swedish
    • TA Tamil
    • TH Thai
    • TL Tagalog
    • TL Taglish
    • TR Turkish
    • UK Ukrainian
    • UR Urdu
Andro namoahana Okt 12, 2025

Fantatrao ve ity tsiambaratelo ity ? 🤫

Andro namoahana Okt 12, 2025

Mandritra ny andro vitsivitsy dia tiako ny hitondra fanalahidy isan-karazany ho anao, izay hanampy anao hanamafy ny finoanao. Vonona ve ianao ?

Ahoana no fijerinao ny finoanao ?

Volana vitsivitsy lasa izay, tao an-tranoko aho nandinika ilay teny izay nolazan’i Jesosy tamin’ny mpianany hoe : "fa lazaiko aminareo marina tokoa: Raha manana finoana hoatra ny voan-tsinapy iray aza ianareo ka hiteny amin'io tendrombohitra io hoe: Mifindrà erỳ , dia hifindra izy; ary tsy hisy tsy ho hainareo hatao (Matio 17:20).

Raha namaky an’io andininy io aho dia nisy zavatra namely mafy ahy ary tsy mbola hitako mihitsy izany teo aloha. Fantatrao ve ny tsiambaratelon’ny voan-tsinapy ? Ny voan-tsinapy dia mahafantatra ny maha-izy azy : tsy maninona aminy ny hoe kely, satria fantany tsara fa ho lasa zavamaniry lehibe izy, efa voasoratra ao amin’ny ADN-ny izany.

Izany dia mampahatsiahy ahy ny tantaran’i Abrahama. Hoy ny Baiboly hoe tsy niala tamin’ny finoany izy na dia teo aza ny toe-javatra nanodidina azy. Kanefa Abrahama dia mbola nino hatrany ny fampanantenan’Andriamanitra fa hanome zanaka lahy ho azy Izy, na dia toa nifanohitra tamin’izany aza ny zava-drehetra. Namaly izany finoana izany Andriamanitra ka nanao fahagagana mahatalanjona !

Ankehitriny, mety mahatsiaro ianao hoe tsy mbola nisy ratsy noho izao ny toe-javatra misy anao izao ary tsy hitanao intsony izay vahaolana. Kanefa , izao indrindra no fotoana tsara indrindra hananana finoana toy ny voan-tsinapy !

Ny finoanao dia tsy miankina amin’ny toe-javatra misy anao : fa ny toe-javatrao no miankina amin’ny finoanao. Minoa ary ambarao ny fampanantenan’Andriamanitra ho an’ny fiainanao, satria noho ny fanampiany dia ho lasa ilay olona antsoin’Andriamanitra ianao !

Tianao ve ny hivavaka miaraka amiko ? "Tompo ô, mangataka Aminao aho mba hanampy ahy hatoky Anao sy hino ny fampanantenanao amin’ny toe-javatra rehetra, na inona vidiny na inona. Tahaka ny voan-tsinapy, ampio aho mba tsy hiantehitra amin’ny bika aman’endriko na amin’ny zava-misy. Tiako ny hametraka ny fijeriko Aminao, ary hitombo isan’andro mba ho lasa izay niantsoanao ahy ! Amin’ny anaran’i Jesosy, amen.

Eric Célérier
Mpanoratra

Eric Célérier is a French pastor and author, and president of Jesus.net. He's recognized for his innovative use of cutting-edge technology to spread the Gospel and connect people worldwide with the Bible.