✨ Fanantenana rehefa manohitra anao izao rehetra izao ✨
Mieritreritra ve ianao indraindray fa “sarotra be ny fiainanao” ? 😬
Andeha hifantoka amin’ny fiainan’i Jeremia isika anio. Matoky aho fa ho faly amin’ny fiainanao ianao avy eo - fa tsy ny fiainany. 😉
Indray andro dia nilaza Jeremia : “Ary tonga tamiko ny tenin'i Jehovah hoe: Aza manam-bady ianao, ary aoka tsy hanan-janakalahy na zanakavavy amin'ity tany ity.” (Jeremia 16.1-2)
Ahoana izany ! 😅 Raha efa nahatsiaro tena irery izy, mitokana sy nolavina ! Mpaminany izay tsy misy olona te hihaino azy. Tena natokany tanteraka ho an’Andriamanitra ny fiainany… Fa nefa feno fanaintainana.
Nitory ny marina izy - fa tsy izay tian’ny olona ho heno. Ka dia noheverina ho mpamadika izy. Nokapohina izy, natsipy tao an-tranomaizina, ary nohidiana tany anaty efitra lalina. (jereo Jeremia 37.15-16) Dia avy eo nalatsaka tao amin’ny lavaka famorian-drano izay saika nahafaty azy. (jereo Jeremia 38.1-13)
Ireo zava-nitranga ireo dia topimaso kely fotsiny amin'izay nolalovany teo amin'ny fiainany! Nilaza momba ny tenany izy tamin’ny farany hoe : “Izaho ilay lehilahy nahita fahoriana tamin'ny tsorakazon'ny fahatezerany.” (Fitomaniana 3.1)
Tsy nanana NA IZA NA IZA izy mba hampahery azy. Tsy nandray hafatra amin’ny maraina. Tsy nisy “Fahagagana Isan’Andro” tamin’ny mailaka mba hanome fanantenana azy. Tsia… tsy nisy.
Fa na izany aza, namoy fo ve izy ? nilavo lefona ve izy ?
Tsia. tsy izany mihitsy. 😋 Niresaka tamin’ny tenany izy. Nampahery tena izy tamin’ny fitenenany hoe : “Izany no ho eritreretiko ato am-poko, ka dia hanantena aho. Ny famindram-pon'i Jehovah no tsy nahalany ritra antsika, fa tsy mitsahatra ny fiantrany.
Vaovao isa-maraina izany; lehibe ny fahamarinanao.
Jehovah no anjarako, hoy ny fanahiko, ka dia hanantena Azy aho.
Tsara Jehovah amin'izay manantena Azy, dia amin'ny olona izay mitady Azy.
Tsara ny miandry ny famonjen'i Jehovah amin'ny fanginana.” (Fitomaniana 3.21-26)
✨ Wouaahh… Ahoana no ahafahan'ny lehilahy torotoro fo miteny toy izany ?
Satria nametraka ny fitokisany bebe kokoa amin’izay tsy hitany izy noho izay niainany.
👉 Inoy izay mbola tsy hitanao…dia ho hitanao izay ninoanao.
Fahagagana ianao ! 💛
