Efa reraka sahady ?

Mahatsiaro tsy fahatokisan-tena ve ianao manoloana ny asa miandry anao anio? Efa mieritreritra sahady ve ianao fa tsy ho vitanao izany?

Mahafinaritra. 🤭

Eny, hoy aho hoe mahafinaritra. Satria izaho koa dia mila ireo fotoana ireo mba ho tonga saina sy hamantatra hoe: "Raha izaho irery, dia tsy hahavita izany”

Ary Andriamanitra dia mitarika anao amin'izany fotoana izany. Satria fantany ny halehiben’ny fahaiza-manao napetrany tao anatinao. Saingy mbola zava-dehibe kokoa noho izay mety ho vitanao ny fiaraha-miasa Aminy.

Irin’ny Tompontsika ny fiaraha-miasa Aminy amin’ny toe-javatra rehetra.

Eny, amin’ny alalan’ny fanomezam-pahasoavana anananao sy ny fahaizanao, dia afaka manatanteraka zavatra lehibe ianao, izay itarihan’Andriamanitra anao amin’ny tanjona lehibe kokoa: ny fiainanao dia hizotra ho any amin’i Jesosy!

“Aoka hazava eo imason'ny olona toy izany koa ny fahazavanareo, mba hahitany ny asa soa ataonareo ka hankalazany ny Rainareo Izay any an-danitra.” (Matio 5:16)

Ary tsy hoe vitanao izany satria matanjaka foana ianao ary voafehinao ny zava-drehetra. Vitanao izany rehefa manaiky ny fetranao ianao - sady mandroso…

Araka ny filazan’i Paoly tsara azy hoe: “Ary manana izany fahatokiana izany ny amin'Andriamanitra izahay amin'ny alalan'i Kristy. Kanefa tsy mihambo hanana fahaleovana avy aminay hihevitra na amin'inona na amin'inona izahay; fa ny fahaleovanay dia avy amin'Andriamanitra” (.

Afaka nitoky tamin’ny herin’i Jesosy tamin’ny fahalemeny i Paoly, satria niaina tamin’ny asa nanirahana azy izy.

Ary ankehitriny aho dia te hizara hevitra somary manakiana - nefa tena manampy - : Indraindray isika mivavaka mba handray ny herin'Andriamanitra… kanefa tsy misy zavatra mitranga. Mety noho isika miezaka manao zavatra tsy nasainy hataontsika angamba.

Ohatra: Raha reraka ianao satria mitaky zavatra betsaka aminao ny zanakao - iraka sarobidy ataonao tokoa izany, eny. Fa raha reraka ianao satria mandany fotoana be loatra any amin'ireny toerana fanaovana fanatanjahan-tena ireny… fantatrao ny tiako holazaina… 😉

✨ Ny hoe miara-miaina amin’Andriamanitra dia ny mahafantatra ny Heriny amin’ny fahalemeko!

Fahagagana ianao! 💛