🦢 “Cygne” ianao!

Rehefa nanakaiky ny fahaterahan’ny zanakay vavy dia nanararaotra namerina nijery ireo tantara nianarako tamin’ny fahazazana aho, mba hotantaraiko azy rehefa lehibe izy =).

Azoko antoka fa tadidinao ny tantaran'ilay ganagana ratsy tarehy. Niezaka ny ho lasa gana mafy ity “cygne” kely ity, saingy nihomezana sy neson’ireo biby fiompy hafa izy. Rehefa nandeha teny ny fotoana, dia hitany ny tena maha izy azy: “cygne” izy. Tsy gana izy, ary tsy ratsy tarehy, ary nanana fianakaviana niandry azy izy.

Indraindray, amin'ny maha-Kristianina antsika, dia manana olana amin'ny maha-izy antsika koa isika. Mety hihevitra ny tenantsika ho “kristianina mandringa” isika, manana kilema maro sy fiainana ara-panahy somary ratsy. Na izany aza, eo imason'Andriamanitra ianao dia “cygne” tsara tarehy! Mety mbola matroka ny volonao ary fohy kely ny vozonao, fa efa hitan’Andriamanitra amin’ny mason’ny Finoana ianao. Hitany ny ho fiafaranao rehefa matotra ianao. Manana toetra sarobidy nomen’Andriamanitra anao ianao!

Izao no lazain’ny Baiboly: “ Fa maizina ianareo fahiny, fa efa mazava ao amin'ny Tompo kosa ankehitriny; mandehana tahaka ny zanaky ny mazava.” (Efesiana 5:8). Fotoana izao hampitsaharana ny fandehanana amin'ny haizin'ny lasanao ary handeha amin'ny maha-izy anao marina: zanakalahy / zanakavavin'ny mazava. Ny maha-izy anao no mamaritra ny lalanao! Tsy ganagana ratsy tarehy ianao; fa “cygne” sarobidy ianao, ary tokony hitondra tena araka izany.

Mamelà ahy hivavaka ho anao: "Ray ô, mivavaka ho an'ny namako aho, mba hahazoany fanambarana feno ny maha-zanak'Andriamanitra azy, izay efa nomenao azy. Enga anie ity fanambarana ity hanampy azy hiala tanteraka amin'ny haizina, mba hahafahany manomboka mandeha eo amin'ny mazava, miaraka amin'ny halehiben'ny Mpanjaka, ny hatsaran-tarehy sy ny fitondratenan’ny “cygne”. Misaotra Anao aho noho ny amin’ny fiainany, ary mangataka aminao aho mba hanodidina azy ny fitahianao amin’ny lafiny rehetra eo amin’ny fiainany. Amin'ny anaran'i Jesosy.

Misaotra fa misy ianao.