⌚️ Aza miovaova !

Tao anatin'ny andro vitsivitsy izay dia niresaka momba ny fiantraikan'ny firoroan-tsaina eo amin'ny fiainantsika isika.

Ny andalan-teny amin’ity herinandro ity dia mifarana amin’ny filazana hoe: “olona miroa saina izy, miovaova amin'ny alehany rehetra.” (Jakoba 1:8).

Voamarikao ve ny herin’ity fanambarana ity? Ny lehilahy (na ny vehivavy) miroa saina dia haneho izany amin'ny sehatra rehetra amin'ny fiainany, sy amin'ny alehany rehetra.

Io firoroan-tsaina io dia mahita ny ADN-ny ao amin'ny fisalasalana, ny tsy fandriam-pahalemana, ny tsy fahampian'ny hazavana, ny fiheveran-diso ananantsika momba an'Andriamanitra… dia tahaka izany, ary lasa misy fiantraikany amin’ny alehantsika, araka ny ambaran’ity andalan-tsoratra masina ity.

Ry namako, angamba efa niady mafy tamin'io fiovaovana io ianao ary tsy fantatrao hoe avy aiza izany, na nahoana ianao no manana olana foana ka  tsy mba milamina tsara na mandroso amin'ny sehatra samihafa amin'ny fiainanao.

Raha toy izany ny fiainanao, ary raha mandinika ny fiainanao araka izay hitantsika tato ho ato ianao, dia mety ho hitanao fa efa nisy foana teo amin'ny fiainanao izany firoroan-tsaina izany, tamin'ny endriny samihafa… ary mety tsy tonga saina amin’izany ianao.

Ireo no hevitra manakorontana ny zava-drehetra, mamafy izany firoroan-tsaina izany ao anatinao mba hanakanana anao tsy hijanona ao amin'ny fahamarinana sy tsy handroso.

Ry namako, izao no andro hamerenana ny zavatra amin'ny toerany! Mitsangàna anio ary tano mafy Andriamanitra sy ny teny fikasany mihoatra noho ny hatramin’izay, mba hoesorina amin’ny finoanao ny hevi-diso rehetra sy ny laingan’ny haizina rehetra.

Anio, miorena toy ny vatolampy, aoka ho feno fifaliana avy amin’Andriamanitra amin’ny alalan’ny fahatokiana sy faharesen-dahatry ny finoana ny Fanahy. Fotoana izao handrosoana amin-kery sy tsy hiovaovàna, ary hanatanterahana ny drafitra efa nomanin’Andriamanitra ho anao!

Fahagagana ianao!